Tengist fréttinni aðeins óbeint

en hvernig er fyrirkomulagið  með Framkvæmdasjóð aldraðra?

Skattyfirvöld innheimta nefskatt undir því nafni, upphæðin í ár pr. einstakling er kr. 9.182.  Miðað við aðeins greiðendur á vinnumarkaði, eða ca 170.000, er upphæðin u.þ.b. einn og hálfur milljarður króna.  Líklega þurfa þó mun fleiri að greiða þennan nefskatt, svo sem námsmenn, fatlaðir og öryrkjar.

Er til Framkvæmdasjóður aldraðra, sem  innheimtumaður ríkissjóðs gerir skil á þessum nefskatti?

Ef svo er, hvaða reglur gilda um birtingu ársreikninga sjóðsins?  Séu ársreikningar aðgengilegir, má þá lesa úr þeim hvernig nefskattinum er ráðstafað?

Það er ekki verra að hafa það á hreinu hvernig skattarnir okkar nýtast - og hvar.

 

Segir sig úr stjórn FEB

Athugasemdir

[Ásthildur Cesil Þórðardóttir, 21.11.2012 kl. 17:28]

Alltaf jafn skynsöm Kolbrún mín, og spyrð réttu spurninganna. 

[Kolbrún Hilmars, 21.11.2012 kl. 17:45]

Takk, Ásthildur mín.  Það er rétt;  ég er alltaf að spyrja um eitthvað - forvitnin fer líklega með mig á endanum 

[Ásthildur Cesil Þórðardóttir, 21.11.2012 kl. 18:15]

Forvitnin er nefnilega best til að halda áfram og vita hluti.  Nema með ketti sko, courisity killed the cat... eða þannig

[Kolbrún Hilmars, 21.11.2012 kl. 18:24]

Mér var kennt það snemma á ævinni að betra væri að sýnast fáfróður augnablik en að vera það til frambúðar. 

Þegar forvitnin drepur köttinn þá er það vegna þess að hann getur ekki spurt heldur þarf að prófa sjálfur 

[Ásthildur Cesil Þórðardóttir, 21.11.2012 kl. 20:12]

Já nákvæmlega.