Hvað með krúttlegu ESB paradísirnar?

Ekki eru þær á lista Sarkozy. Komið hefur fram í fréttum að Luxembourg og Kýpur viðhafi svipaða bankaleynd og Sviss og Lichtenstein.

Síðarnefndu löndin tvö eru á lista Sarkozy og eru ekki aðildarríki ESB. Hin tvö fyrrnefndu eru hins vegar ekki á listanum, en tilheyra ESB. Skyldu þau vera aðgengilegri, hvað varðar upplýsingagjöf, fyrir innvígða í ESB en aðra?

Hvað sem því líður; íslenskum rannsóknaraðilum hefur reynst erfitt að klifra yfir bankaleyndargirðinguna í Luxembourg.

Sniðganga skattaparadísir

Athugasemdir

[Jón Steinar Ragnarsson, 4.11.2011 kl. 19:38]

Merkilegt að hann nefni eki Tortólu, Isle of Man og Gurnsey. Hann ætlar líklega bara að hafa færri og stærri paradísir.

Það eru allavega 24 skattaparadisir hér í heimi. Hollendingar og Bretar eiga 7. Það er því ekki líklegt að Sarkosi sé mikil alvara, né eigi nokkurn sénsá að hafa ahrif á þetta. Þetta er því ekkert annað en meðvituð hræsni og populismi. Kannski vill hann bara fá samþykki fyrir því að Frakkar fái líka að hafa þær. Það finnst mér líklegra.

[Kolbrún Hilmars, 5.11.2011 kl. 12:18]

Takk Jón Steinar fyrir að minna á aflandseyjar ESB ríkjanna.  Þær eru auðvitað ekki heldur á lista Sarkozys. 

Já, gaman væri að vita hvað vakir fyrir karlinum.  

[Ásthildur Cesil Þórðardóttir, 5.11.2011 kl. 13:58]

Góðar ábendingar hjá ykkur tveimur. 

[Kolbrún Hilmars, 5.11.2011 kl. 17:33]

Einmitt, Ásthildur.  Ég geymdi nefnilega besta bitann þangað til síðast, eða það sem kemur fram í fréttinni um að G-20 ríkin hyggist birta uppfærðan lista yfir ósamsstarfsfúsar þjóðir.

Af G-20 ríkjunum eru aðeins 4 ESB þjóðir; Frakkland, Þýskaland, Ítalía og Bretland. Svo eitthvað fyrirbæri sem heitir EU!?  Hin ríkin eru öll utan Evrópu nema Rússland.

Sennilegast er að Sarkozy sé að reyna að koma í veg fyrir að ESB lönd og það sem þeim tengist lendi ekki á þessum alþjóðalista - þótt verðskuldað sé.