Síðbúin lexía

Það er nokkuð seint að ná 12 ára aldrinum og hafa aldrei lært að sýna öðrum kurteisi og tillitssemi.  Vel má vera að skokkarar liggi vel við höggi, en þeir eiga að fá frið með sitt jafnt og haltir og skakkir.

Miðað við að skokkarinn hefur ekki gefið kost á sér og því ekki tjáð sig um sína hlið og hvað fram fór í þessu einelti, þykir mér fullsnemmt að skera úr um hver veittist að hverjum.

En 12 ára eiga krakkar að hafa lært sitt lítið af hverju um mannleg samskipti.

Skokkari réðist á 12 ára dreng

Athugasemdir

[corvus corax, 8.2.2011 kl. 16:58]

Legg til að skokk verði bannað.

[Svavar Bjarnason (IP-tala skráð) 8.2.2011 kl. 17:56]

Mér finnst vanta alveg hinn hlutann af sögunni. Voru þetta ertni eða skrílslæti?

Fyrir nokkrum tugum ára átti ég leið um Klambratún ( nú Miklatún), þegar 6 til 8 drengir á aldrinum 11 til 13 gerðu aðsúg að mér. Þeir hentu drullu í mig og reyndu að pota í mig með prikum. Ég reyndi að hrista þá af mér, en tókst ekki, enda höguðu þeir sér eins og hýenur. Þá tókst mér að grípa í hendina á forsprakkanum og sveifla honum í kringum mig og að lokum henda honum ofan í skurð fullan af drullu. Við þetta hætti aðsúgurinn og mér tókst að forða mér.

Aldrei hvarlaði að mér að ég hefði gert eitthvað rangt, en hefði mér líðst þetta í dag?

[Kolbrún Hilmars, 8.2.2011 kl. 18:01]

Hrafn, eða banna 12 ára sem hafa ekki lært reglurnar?

Reglurnar eru:

Aldrei að þiggja sælgæti af ókunnugum, aldrei að fara upp í bíl ókunnugra, aldrei að abbast upp á ókunnuga.

Leyfum svo skokkurum að tölta sinn veg í friði...

[Kolbrún Hilmars, 8.2.2011 kl. 18:29]

Svavar, samkvæmt viðhorfi nútímans hefðir þú ekki mátt verja þig, þar sem aðsúgshópurinn var undir lögaldri.

Þau eru skrýtin lögin sem vernda unglinga- og barnaofbeldishópa þegar þeir ráðast að fullorðnum einstaklingum, þ.e. hópur á móti einum. Ekki síst þegar þeim fullorðna er dæmd ábyrgðin, þótt hann sé aðeins í sjálfsvörn.

[Ragnhildur Kolka, 8.2.2011 kl. 19:31]

Undarlegust er fréttafrásögnin sem gerir því skóna að skokkarinn hafi átt upptökin þegar skýrt er tekið fram að strákarnir eltu manninn og gerðu að honum grín.

Pólitísk rétthugsun hefur náð tökum á blaðamanninum.

[Kolbrún Hilmars, 8.2.2011 kl. 19:40]

Ragnhildur, það var nú eiginlega þetta sem stakk mig og varð til þess að ég greip til lyklaborðsins.

Augljóslega hefur skokkaranum verið verulega misboðið - og þá verðum við líka að gera ráð fyrir því að stráklingarnir hafi ekki reynt að gera sinn hlut verri en þeir komust upp með. Enn sem komið er eru þeir einir til frásagnar...

[Matthildur Jóhannsdóttir, 8.2.2011 kl. 20:15]

Ef þeir voru ekki búnir að læra mannasiði og greina á milli hvar þeirra svæði takmarkaðis og annara tekur við.

Þá er ansi líklegt að þeir hefðu fengið að læra það á unglingsárunum og kannsi grófara en þetta.

Þá hefði fyrirsögnin líklega hljómað : Unglingur lamin í miðbæ Reykjavíkur eftir að hafa áreitt unga konu.

Eða ungur maður dæmdur til dvalar á unglingarheimili eftir árás á unga konu. Sagði að hann hefði bara verið að grínast. Kannast eitthver við svona fyrirsagnir og þessa tegund af gríni?

[Bernharð Hjaltalín, 8.2.2011 kl. 21:51]

Sýslumaðurinn á Selfossi ætlar að hampa ungu glæpamönnunum sem eru upprennandi vandamál

fyrir lögreglu á næstu árum, nú er lýst eftir skokkaranum eins og hann hefði átt upptökin af glæpnum, eins og er eru ungu piltarnir einir til frásagna.

[Gísli (IP-tala skráð) 8.2.2011 kl. 21:52]

corvus corax, ég legg til að þú tjáir þig betur um þetta mál nema þú sért einhvað tengdru þessum krakka ormum sem kunna ekki að virða sér eldri nema þú sért sá sem lagðir til að þessir ormar leggji fólk í einelti fyrir þá íþrótt sem hver og einn velur sér að stunda... 

 corvus corax,

ég á 10 ára son og ef hann hefði gert svona lagað þá hefði ég einfaldlega sagt við hann "GOTT Á ÞIG OG LÁTTU ÞÉR ÞETTA AÐ KENNINGU VERÐA."

[Guðmundur Pétursson, 8.2.2011 kl. 22:39]

Bara einhver 12 ára illa upp alinn óþekktarormur að henda snjóbolta í skokkara og fékk það sem hann átti skilið.

[Matthildur Jóhannsdóttir, 10.2.2011 kl. 11:39]

Legg til að þið lesið bloggið hennar Bergljót Gunnarsdóttir um fréttina. Þar segir skokkarinn (11) sína hlið á málinu. Hún virðist nær sanleikanum en fréttin sjálf.

[Kolbrún Hilmars, 10.2.2011 kl. 16:16]

Takk Matthildur, ég las þessa athugasemd sem þú bentir á - sem var reyndar svo gott sem nafnlaus. Betra hefði mér samt þótt að yfirlýsing hefði komið frá lögreglunni um vitnisburð skokkarans, svona til þess að jafnræðis væri gætt.