Hefur viðskiptaráðherrann pólitíska stöðu?

Var hann ekki einmitt ráðinn "ópólitískt"  til þess að verða hentugur  blóraböggull pólitíkusanna? 

Forveri hans í embætti hlaut svipuð örlög, og setti blett á flokkinn sinn jafnvel þótt hann bæri aðeins hálfa sök.  Það mátti ekki gerast aftur - frá flokkspólitísku sjónarmiði - en hver hefur kjark til þess að taka við þessu ráðuneyti  þegar Gylfi hefur gengið frá í fússi og skellt hurðinni á eftir sér?

Segir Gylfa hafa afvegaleitt þingið

Athugasemdir

[Kristinn Karl Brynjarsson, 12.8.2010 kl. 20:07]

Pólitíska ábyrgðin er ekki hjá Gylfa. Hún er hjá þeirri ríkisstjórn, sem skipaði hann í embættið.

 Verkstjóri þeirrar stjórnar hefur lýst yfir stuðningi við Gylfa. (Reyndar fyrir 2 dögum) Sá sem nýtur trausts í starfi, nýtur samþykkis með verk sín.

Stuðningsyrfirlýsing Jóhönnu, var því einnig, játning um að hún væri samsek. Forsætisráðherra talar fyrir munn ríkisstjórnar.  Ríkisstjórnin er því samábyrg Gylfa.

[Kolbrún Hilmars, 12.8.2010 kl. 23:32]

Kristinn, ég skil ekki hvernig Gylfi nennir að taka þátt í þessum flokkpólitíska leik. Jafnvel þótt akademíski leikvöllurinn sé enginn barnaleikur heldur, er hann þó ekki jafnopinber. Gulrótin hlýtur að vera einstaklega væn og vöxtuleg!