Lestrinum er loksins lokið!

Leikarar Borgarleikhússins hafa nú sannað fyrir okkur hvílíkt verkefni það er að lesa rannsóknarskýrsluna góðu en lesturinn tók þá rétt rúma 6 sólarhringa, linnulaust í 145 klukkutíma. 

Ég sé fyrir mér að eini raunhæfi tíminn til eigin lesturs verði sumarfríið.  Eigi einhver skilningur að fylgja með eru 7 tímar á sólarhring hámarksafköst.  Samtals 21 dagur.

Sumarfríi þessa árs er hér með ráðstafað til lesturs.  Verst að ekki er treystandi á samgöngur svo létta megi þrautina flatmagandi undir suðrænu pálmatré.

Athugasemdir

[Heimir Lárusson Fjeldsted, 18.4.2010 kl. 13:39]

Er harmleikurinn þess virði að lesa hann undir pálmatré á suðrænum slóðum?

[Kolbrún Hilmars, 18.4.2010 kl. 14:41]

Það finnst mér :) Veðurblíðan, sólbekkur í skugganum við undirspil hafniðarins að ógleymdu kæliboxi með eðalhvítvíni í seilingarfæri er eina umhverfið sem kemur til greina...

[Jón Snæbjörnsson, 19.4.2010 kl. 14:05]

líst vel á þetta hjá þér Kolbún, ná mér í þessa "skruddu" og sjá hvort það komi ekki stemning .............

[Heimir Lárusson Fjeldsted, 19.4.2010 kl. 14:27]

Ég kem með þér Kolla. Einhver þarf að skenkja.

[Heimir Lárusson Fjeldsted, 19.4.2010 kl. 14:28]

Hefði betur sagt: "má ég?"

[Kolbrún Hilmars, 20.4.2010 kl. 16:24]

Það er nú svolítið 2007 að taka með sér allt þjónustuliðið   En skenkjarinn er ómissandi ef af verður...

[Heimir Lárusson Fjeldsted, 20.4.2010 kl. 16:42]

Hlakka til;)