Bílalán bundið erlendri mynt var normið.

Undirrituð er ein af fórnarlömbum gengishrunsins með "erlent bílalán".

Í mínum bílasamningi segir: "Samningur þessi er gengistryggður og eru allar fjárhæðir bundnar erlendum myntum í eftirfarandi hlutföllum [...] og taka mið af þeim á hverjum tíma".

Þar sem ég hafði ekki ráð á því að staðgreiða nýjan bíl, með ellefu ára gamlan bíl í uppítöku, þurfti ég auðvitað að fjármagna kaupin með bílaláni. Gallinn var sá að MÉR STÓÐ EKKERT ANNAÐ TIL BOÐA EN GENGISTRYGGT BÍLALÁN!

Það er því ekki hægt að halda því fram að við "fátæklingar" hefðum átt eitthvað val!

Hæstiréttur þarf að skera úr

Athugasemdir

[Kolbrún Hilmars, 13.2.2010 kl. 14:22]

Til þess að fyrirbyggja misskilning vil ég bæta því við að samningsfjárhæðin í bílasamningnum er tiltekin í íslenskum krónum.

[Svavar Bjarnason, 13.2.2010 kl. 17:40]

Blessuð Kolbrún.

Gerði tilraun til að svara þér á bloggi Einars Vals, en  hann eyddi þeim jafnóðum.

Þú sagðist ekki skilja af hverju ég birti lita yfir dómara hæstaréttar.

Skoðaðu listann betur og athugaðu pólitísk tengsl þeirra sem þar eru.

Árni Kolbeinsson

Garðar Gíslason

Gunnlaugur Claessen

Hjördís Hákonardóttir

Ingibjörg Benediktsdóttir

Jón Steinar Gunnlaugsson

Markús Sigurbjörnsson

Ólafur Börkur Þorvaldsson

Páll Hreinsson

[Kolbrún Hilmars, 13.2.2010 kl. 18:14]

Sæll Svavar og þakka þér fyrir fyrirhöfnina að eltast við mig á milli bloggsíðna :)

Reyndar græði ég ekkert á því að sjá þennan nafnalista. Hæstaréttardómararar eru ráðnir fyrir hæfni númer eitt og ef vandi er að velja á milli manna þá má eflaust deila um aðferðir. Sjálfri stendur mér á sama hvar menn standa pólitískt ef þeir kunna til verka.

Þessi dómaralisti er að mínu áliti aðeins "klínískur", þ.e. staðreynd og ekki neitt til þess að fara í felur með. En ef þú ætlar að nota hann í pólitískum tilgangi eða til þess að sanna einhverja pólitíska misnotkun á hæfileikum einstaklinga, þá held ég að með þyrfti að fylgja persónuleg yfirlýsing viðkomandi um pólitískar tilhneigingar.

Á meðan slík yfirlýsing liggur ekki fyrir verður þessi nafnalisti ekkert annað en hann er; listi yfir núverandi hæstaréttardómara. :)

[Ísleifur Gíslason, 14.2.2010 kl. 00:30]

Gjaldeyrislán í hópmálssókn !

http://isleifur.blog.is/blog/isleifur/entry/1018131/

[Högni Jóhann Sigurjónsson, 14.2.2010 kl. 12:48]

Ég held krakkar að dóminum verði hnekkt og bara af því að enn og aftur þarf að bjarga vinum og vandamönnum sem eiga og reka fjármálastofanir og ég veðja á að núna glói símalínur millum lögfræðinga, dómara bæði hærri og lærri, þingmanna og ráðherra að ógleymdum fjármagns og flokseigendafélaga, það hefur ekkert breyst.

[Kolbrún Hilmars, 14.2.2010 kl. 17:18]

Ég neita að trúa því að hæstaréttardómarar dansi eftir pípu hagsmunaaðila úti í bæ því hæstiréttur er eiginlega síðasta vígi sanngirni og réttlætis í landinu. En lengi má manninn reyna og það má vera að ég verði fyrir vonbrigðum.?

Annað sem ég hef verið að velta fyrir mér er allt þvaðrið um íslenska "mannauðinn" á sama tíma og menn vilja fá útlendinga til þess að sjá um stjórnunarstörfin hér. Hvers virði er þessi "mannauður" ef hann er ónothæfur?

[Högni Jóhann Sigurjónsson, 14.2.2010 kl. 20:55]

Ég vona nú að ég hafi rangt fyrir mér Kolbrún en þetta með mannauðinn hann er fyrir hendi en tortrygnin er orðið allsráðandi vegna vensla og skyldleika "ræktunnar".

[Kolbrún Hilmars, 15.2.2010 kl. 16:19]

Högni, ég hef nú tjáð mig um það áður að ef til vill einblíni menn hérlendis of mikið á þessi vensl og skyldleika sem eitthvert sértækt dæmi um spillingu. Erlendis gerast kaupin á eyrinni á þessum nótum ekkert síður en hér - dylst bara betur vegna mannfjöldans.

Sjálf á ég nána ættingja og vini flokksbundna í öllum fjórflokkanna. Vildi ég upp á dekk í stjórnmálum yrði mér eflaust lagt það til lasts. Þó hefur mér sýnst á langri ævi að sterkustu tengslin séu ekki ættlæg heldur skóla- og menntunartengd.

[Högni Jóhann Sigurjónsson, 16.2.2010 kl. 15:37]

Einmitt þau eru bæði vensla og ættartengd, ég er svo ílla ættaður að ég kæmist hvorki lönd né strönd og var aldrei boðin ein einasta kúla, en það stendur nú til bóta ég er að reyna að fá einhvern til að ætleiða mig og vinahópurinn það eru nú meiri ósköpin þau verð ég að athuga hratt og örugglega, nei Katrín ég held að fólk ofmeti þessi tengsl ekki.

[Kolbrún Hilmars, 16.2.2010 kl. 17:43]

Högni, ég var ekki að halda því fram að kunningjasamfélagið hygli ekki sínum - bara að benda á að það er ekki séríslenskt fyrirbæri.

Svo er ég greinilega jafn VEL ættuð og þú; enginn minna venslamanna hefur heldur boðið mér kúlulán. :)

[Högni Jóhann Sigurjónsson, 20.2.2010 kl. 19:54]

Ég tek undir það Kolbtrún að þetta er ekki séríslenst fyribæri, en þú varst að velta fyrir þér þarna afhverju fólk kallaði eftir útlendingum en hafandi nógann mannauð og ég er á þeirri skoðun sum sé að það er vegna þess hve fá við erum að kunningjasamfélagið sé svo öflugt og á þeirri skoðun byggi ég svo þetta að dóminum verði hnekt, það er vegna kunningjasamfélagsins og svo aftur þá kem ég að því og vegna sömu skoðunnar að umrætt samfélag sé svo öflugt hér vegna fámennis og ég held að á þessari sömu skoðun sé fólk að kalla eftir útlendingum, þetta er orðinn soldill ormur hjá mér. :)