Spennandi þjóðaratkvæðagreiðsla á döfinni.

Svo finnst mér að minnsta kosti því þrátt fyrir virðulegan aldur hefur mér aldrei boðist að taka þátt í einni slíkri.   Ekki skemmir að spurningin sem ég fæ til að krossa svarið við er "óvissupakki" þar sem það virðast áhöld um kosningamálið. 

Hvor spurningin ætli verði ofan á:    Viltu fella ríkisstjórnina?   eða   Viltu fella Icesave 2?  ?

 

Athugasemdir

[Jón Óskarsson, 8.1.2010 kl. 16:16]

Þingmenn stjórnarflokkana virðast vilja stilla þessu upp sem 2-4 valkostum í stað þess að fjalla um málið sjálft.  Semsagt:  Viltu stjórnina eða forsetann burt?  (hvað gera þeir sem hvorttveggja vilja eða hvorugt þá ? sitja heima ?).   Viltu ganga í ESB eða ekki ? (bíddu nú við hvað kemur það þessu máli við?) og síðan kannski ef þau muna eftir því að málið snýst um Icesave (taka tvö) að þá verður spurt um það :)

Hins vegar er líka talsverð hætta á að spurningin verði svo loðin að maður viti ekki hvort það að segja "nei" þýði nei eða já við lögunum frá 30.desember 2009. 

[Kolbrún Hilmars, 8.1.2010 kl. 18:52]

Jón, ég er viss um að spurningin verður ekki eins einföld og ég setti hana upp - hver sem hún svo verður :) Eins gott að muna eftir lesgleraugunum ...