Þarna missti ég af einhverju.

Hver er þessi ÞUNGAIÐNAÐUR sem íslendingar eru sekir um að framleiða?

Er verið að smíða skriðdreka, vopn, bíla, skip eða flugvélar úr íslensku járngrýti á laun í einhverri koladrifinni stórverksmiðju í Trékyllisvík?

Unnu spjöll á sendiráði Íslands

Athugasemdir

[(IP-tala skráð) 17.12.2009 kl. 10:27]

Þetta er ekki að verða einleikið hvað við missum alltaf af miklu Þetta er grafalvarlegt mál finnst mér þegar einhverjir "græningjar" út í hinum stóra heimi vita orðið betur en við hvað hér fer fram, en mér þykir nú líklegra að þessi þungaiðnaður fari fram  í Loðmundafirði heldur en Trékyllisvík, hef heyrt því fleygt að þar séu ýmsar vættir á ferli og hver veit hvað þær eru að starfa

[axel (IP-tala skráð) 17.12.2009 kl. 10:37]

Er Álfheiður heilbó nokkuð á leið til köben til að þerra tárin af þessum

skítasmettum?

[Húnbogi Valsson (IP-tala skráð) 17.12.2009 kl. 11:00]

Eða Hafnarfirði, Hvalfirði og Reyðarfirði. Íslendingar lifa í þvílíkum blekkingarheimi að allt sé svo hreint og óspyllt hjá okkur. Þess vegna snerum við okkur öfugt við aðrar þjóðir á þessum loftslagsráðstefnum í Ríó og Kíótó (vonandi verður íslenska sendinefndin í Kaupmannahöfn til að bæta slæmt orðspor Íslands). vildum fá að menga meira hérna af því að það á að minka mengun annars staðar og okkar mengun er hreinni en annarra mengun, hvernig svo í ósköpunum það er fengið út. Byggja fleiri álver hérna, eins og á Austfjörðum, þar sem hefur verið viðvarandi skortur á vinnuafli í áratugi. Hefði ekki verið nær að byggja þau í þeim heimshlutum þar sem atvinnuleysið er mest? Þessar ráðstefnur snúast um það að draga úr mengun. Það er aðalatriðið. Íslendingar hafa ekki áttað sig á því ennþá.

Hérna kalla menn sig náttúruunnendur, sem vilja níðast á óbyggðunum með eyturspúandi jeppum, fjórhjólum og vélsleðum. Þetta er séríslenskt, að kalla það útivist að aka um á jeppum. Ég hef búið í Noregi og Grænlandi og í þeim löndum er miklu meiri náttúra en á Íslandi. Sérstaklega vegna þess að þar fær fólk frið fyrir þessum "náttúruunnendum" sem aka yfir allt á þessum vélknúnu sófasettum. Veit ekki betur en að þessir stóriðjusinnar séu sama fólkið og er hlynnt hernaðarbrölti, með allri þeirri mengun og umhverfisspjöllum sem því fylgir, NATO-sinnar, þrátt fyrir á Ísland sé það land sem á síst hagsmuna að gæta í slíku. Við erum orðnir hlægilegir í augum annarra þjóða.

[(IP-tala skráð) 17.12.2009 kl. 12:00]

En Húnbogi.... hvað með alla mengunina sem hlýst að hinni svokölluðu flokkun á rusli til endurvinnslu? Stórir flutningabílar látnir flytja þetta landshorna á milli sem bræla olíu og rífa upp slitlag á vegum með tilheyrandi mengun, og jafnvel svo í stór skip til að koma því til annara landa til endurvinnslu, skip sem brenna óheyrlegu magni af olíu. Hvað með allar hinar mengandi umbúðir sem tröllríða öllu í flestum þjóðfélögum? ? sem að margra mati menga meira en öll álver til samans. Ef menn hafa í raun áhyggjum af mengun finnst mér nú að byrja ætti á réttum enda, sem og að líta sér nær. Ég skil til að mynda ekki þessa grænu stefnu í mínu sveitarfélagi sem segir mér að flokka ruslið til að vera grænni. Mér er sagt að kaupa glæra plastpoka til að flokka það í, mér voru afhentir margir plastdallar sem þarf mikla olíu til að framleiða, og þurfti líka að kaupa slíka, það hefur aldrei verið notað jafn mikið plast á þessu heimili síðan þessi græna stefna var tekin upp. Og nú koma sorpbílarnir 3 ferðar til að tæma tunnurnar 3 þar sem áður var ein og þeir brenna mikilli olíu. Nei það verður að segjast eins og er að ég er ekki alveg að skilja þessa grænu stefnu. Þetta kalla ég þveröfug og sé bara enn meiri mengunn.

[Arngrímur (IP-tala skráð) 17.12.2009 kl. 12:37]

Og eru svona spreybrúsar stórhættulegir umhverfinu? Hræsnarar.

[Kolbrún Hilmars, 17.12.2009 kl. 17:17]

Takk fyrir innleggin. Þetta "global warming" ráðstefnumál er allt að verða hið skemmtilegasta. Mengunarmál eru að stela senunni.

Húnbogi kemur með ljómandi góða tillögu. Við íslendingar gætum auðveldlega afsalað okkur málmbræðslunni í álverunum (enda erum við ekkert að nýta þetta ál neitt frekar) og krefjast þess að álverin verði sett niður þar sem atvinnuleysið er mest og fólkið á bágast. Td í borgarhverfum Calcutta, Bombay eða Dehli þar sem veslings fólkið á ekki þak yfir höfuðið og býr á götum úti. Metangas friðhelgu beljanna mætti svo nýta sem orkugjafa.

En ætli tillaga kanans verði ekki ofan á; hann vill borga fólkinu 100 milljarða dollara í sárabætur. Hvaða upphæð mun íslenski umhverfisráðherrann bjóða í nafni VG?