Það borgar sig að flýta sér hægt.

Hverjum lá svo mikið á að skuldbinda íslenskan almenning til þess að undirskrifa skuldaviðurkenningu vegna Icesave áður en öll kurl voru komin til grafar?

Það lá fyrir í upphafi að ef til vill yrðu til nægar eignir í dánarbúi Landsbankans til þess að standa undir Icesave pakkanum eða færu langt með það. En eftir uppgjöri dánarbúsins mátti ekki bíða - það var þrýst á að þú og ég myndum skrifa fyrirfram undir óútfylltan Icesave víxilinn,

HVER BER ÁBYRGÐ Á ÞVÍ?

90% upp í forgangskröfur

Athugasemdir

[Jóhannes (IP-tala skráð) 12.10.2009 kl. 19:24]

Kolbrún,

   HHHmmm, af hverju ætli það sé?, kannski af því að íslenska ríkið ber ábyrgð á innistæðum í íslenskum bönkum. Kannski vegna neyðarlaganna, sem breyttu þessari ábyrgð þannig að Íslendingar fengu ótakmarkaða ábyrgð á innistæðum sínum, en útlendingar ekkert......................kannski var það það ;-)

   Í praktík var það kannski það að Ísland hafði og hefur nákvæmlega ekkert traust erlendis. Bretar og Hollendingar vildu væntanlega að Íslendingar stæðu á sínu, ekki bara lagalega og siðferðilega,heldur voru þeir einfaldlega hræddir við að Ísland myndi fara illa með þá aftur. 

   Ef þessar fréttir eru réttar að skuldbindingin er einungis 75 milljarðar, þá eru Íslendingar heppnasta þjóð í heimi!!!

[Kolbrún Hilmars, 12.10.2009 kl. 19:43]

Jóhannes, íslenskur almúgi, samasemmerki = íslenska ríkið, ber ekki nokkra skapaða ábyrgð á einhverjum bankainnstæðum, hvorki íslenskum né öðrum.

Svona til þess að smækka siðferðilega íslendingadæmið þitt; Hvers ættu Grímseyingar að gjalda ef einhver eyjabúinn þar plataði milljarð út úr Hríseyingum? Eru þá allir Grímseyingar siðferðilega skuldbundnir til þess að bæta Hríseyingum skaðann? Lagalega eru þeir það vissulega ekki...

[Haraldur Haraldsson, 12.10.2009 kl. 20:18]

Mikið sammála þessu Kolbrún/Kveðja Halli gamli

[Kolbrún Hilmars, 12.10.2009 kl. 20:47]

Sæll Haraldur. Það er mikið hamrað á siðferðilegu skuldbindingunum þessa dagana, en ég viðurkenni að ég gef ekki mikið fyrir slíkar nema þær séu raunverulega mínar.

[Jóhannes (IP-tala skráð) 12.10.2009 kl. 21:14]

Kolbrún, þá spyr ég þig. Hvað finnst þér þann reikning sem lendir á Íslendingum vegna þrot seðlabankans, nýtt í eigið fé í bankana, gengisfall sem hækkar allar skuldir, miklu hærri vextir á öllu lánum ríkisins(svo ég tali nú ekki um allan óbeinan kostnaðinn sem hefur hlotist af þessu). Þessi kostnaður er margfalt hærri en Ice-save jafnvel þótt að við þurfum að borga 500 milljarða vegna þess.

      Fólk einblínir alltaf á það, og hitt virðist ekki skipta neinu máli, þrátt fyrir að það kosti almenning miklu meira........skrýtin þjóð...líklega bara látalæti

   Varðandi þessa samlíkingu við Grímsey og allt það.

      Allt í lagi, þá geri ég ráð fyrir að þú sért líka mjög óhress með að ríkið hækkaði ábyrgðina sína á innlánsreikingum hér á landi óendanlega, umfram 3 milljónirnar, og jafnvel ertu óánægð með ábyrgðina að 3 milljónu, svona bara í prinsipinu?!

    Nei, veistu, þetta kverúlantatorg sem kallast blogg, á fátt skilið við raunveruleikann, þannig er það nú bara, en maður skilur samt fólk alveg að það sé ringlað á þessu. 

[Kolbrún Hilmars, 12.10.2009 kl. 21:30]

Jóhannes, sæll aftur. Ef þú heldur að ég sé eitthvað hress með milljarðana sem Seðlabankinn lánaði/gaf lukkuriddurum gömlu bankanna, þá ertu eitthvað að misskilja mig.

En úr því sem komið er verðum við að bíta í sum þau súru epli sem okkur eru rétt en reyna jafnframt að hunsa önnur.

Veruleikinn er ekki flóknari en það að við eigum hér eitt stykki þjóðfélag, þótt fámennt sé, og ef við ætlum að lifa af þurfum við að reyna að halda því á lífi með því að gæta hagsmuna þess. Svo sem ekki auðvelt verkefni en verðugt, og við kverúlantar reynum að leggja okkar af mörkum hér á blogginu :)

[Jóhannes (IP-tala skráð) 13.10.2009 kl. 13:32]

Jæja, þú ert allavega ekkert að fela það, sbr. nöldurhornið sem ég tók eftir í horninu

  Það er bara svo merkilegt að horfa upp á fólk taka sig ótrúlega hátíðlega og spreða út úr sér sinni gríðarlegu "visku" á ýmsum bloggsíðum. 

[Kolbrún Hilmars, 13.10.2009 kl. 18:40]

Gott að þú náðir þessu, Jóhannes    Og þakka þér líka fyrir að nenna að lesa "viskuna"...

[Kolbrún Hilmars, 14.10.2009 kl. 15:02]

Eins konar PS fyrir Jóhannes:  Hafði ekki tíma til þess að kanna hvað þú áttir við með "ýmsum bloggsíðum"  fyrr en nú.  En þessar ýmsu bloggsíður sýnast mér vera: Jóns Inga Cæsarssonar, Ómars Ragnarssonar, Magnúsar Helga Björgvinssonar auk Páls Blöndal (sem reyndar er bloggvinur sem mér þykir vænt um!)  - ég hef semsagt verið að ónáða eitthvað yfirlýsta samfylkingarmenn með "visku" minni...