Hvernig koma á óorði á hugtakið vinstri stjórn!

Við höfum greinilega enga ríkisstjórn hér, hvorki vinstri, miðju né hægri, bara einhvern hóp af fólki sem notar þetta fágæta ríkisstjórnartækifæri til þess að sinna eigin gæluverkefnum. 

Sjálf hefði ég verið ánægð með að fá hér vinstri/miðju stjórn eftir 15 ára hægri/miðju stjórn því það er kerfinu aðeins hollt að hafa reglulegar uppstokkanir í yfirstjórninni.

Samfylkingin hefur engan áhuga á innanlandsmálum og Vinstri grænir hafa hvorki áhuga á utanríkismálum né atvinnusköpun innanlands og eina kosningaloforð þeirra flokka, sem virðist ætla að standa, eru krataloforðin um sæluríkið ESB - og þá eru milljarðaútgjöld ekki fyrirstaða! 

Ein af skömmum þessarar ríkisstjórnarónefnu verður svo að það þurfi áhugamannasamtökin Indefence til þess að kynna málstað íslenskra erlendis varðandi Icesave - sem í því skyni munu á næstunni fá áheyrn á hollenska þinginu.   

Á sama tíma nýtir ríkisstjórnin mannskap sinn í ráðuneytunum  til þess að svara 2500 misgáfulegum spurningum ESB apparatsins.  Þarf ekki að skilgreina heitið "vinstri stjórn" uppá nýtt?

 

Athugasemdir

[Haraldur Haraldsson, 23.9.2009 kl. 21:57]

svo sannanlega þarf þess!!!!/Kveðja Halli gamli

[Ómar Bjarki Smárason, 23.9.2009 kl. 22:33]

Þetta er mjög auðvelt, Kolbrún. Maður fer niður á Landeyjasand og horfir til hafs. Þá er Evrópa til vinstri og Ameríka til hægri..... og stefnir ekki stjórnin til Evrópu....?

[Kolbrún Hilmars, 24.9.2009 kl. 10:34]

Takk fyrir athugasemdirnar, Halli og Ómar.

Ómar, skemmtileg líking hjá þér - en þegar tveir snúa bökum saman á sandinum verður svolítið óljóst hvert stefnt er...