Hjálpræðið kemur að utan.

Nú erum við væntanlega laus við þennan skuldabagga fjárhættuspilara sem kom okkur aldrei við hvort sem er. Vonandi gufar AGS upp í leiðinni með sín ótryggu lánsloforð.

Þaggar einnig niður í Guernseyjarmönnum sem halda að íslenskur almúgi standi í biðröð með útrétt bólgin seðlaveski til þess að fá að greiða skuldbindingar sér óviðkomandi einkafyrirtækja.

Greiðslukröfur ómældar vegna nýjasta svindlara-Sveinsins verða andvana fæddar.

Þökk sé breskum og hollenskum. Þó ekki svo óhóflega að ganga í klúbbinn þeirra í tómu þakklætisskyni.

Ríkisábyrgð tekur ekki gildi

Athugasemdir

[Hulda Haraldsdóttir, 18.9.2009 kl. 03:19]

Sæl Kolbrún,  ég vildi bara taka undir með þér, ég held nú bara að þjóðin hafi verið bænheyrð og ef við verðum  ötul áfram að biðja allar góðar vættir um hjálp þá losnum við vonandi líka við AGS því það er sú stofnun sem ég hef óttast allra mest,  fyrir utan kannski svikula, spillta,og siðblinda íslenska viðskiptajöfra og ráðamenn.

[Ragnhildur Kolka, 18.9.2009 kl. 08:15]

Tek undir með ykkur stöllum. Við höfum komist af án AGS í átta mánuði og lifum enn.  Með Icesave-sökkuna um hálsinn er ekki á lánasúpuna bætandi og ef við bíðum nógu lengi þá þurfum við ekkert á þessum lánum að halda. Lán þarf nefnilega að greiða til baka.

Krónan vinnur með okkur. Hún er okkar styrkur.

[(IP-tala skráð) 18.9.2009 kl. 11:19]

Sammála

[Magnús Sigurðsson, 18.9.2009 kl. 17:33]

Mikið er notalegt að líta hérna inn.

[Kolbrún Hilmars, 18.9.2009 kl. 18:30]

Þakka ykkur öllum innlitið. Ekki síst Magnúsi sem kann að meta okkur stelpurnar :)

En það er engin gúrkutíð núna i íslenskri pólitík, hvað þá viðhorfsbreytingum almennings sbr.skoðanakannanir allrahanda.

Fæðingarhríðir hins Nýja Íslands? - skyldi þó ekki vera?