Hvað er Auðvald?

Ég er að velta því fyrir mér hvort merkingarbreyting hafi orðið á þessu gamla íslenska heiti  undanfarið. 

Minn skilningur á heitinu er samhljóða orðabók Menningarsjóðs;  "peningaveldi, vald auðmanna, auðstétt".  Hin nýja notkun virðist hins vegar nú orðið beinast að öllum þeim sem tekst að láta mánaðarlaunin duga fram að næstu útborgun.

Það má vera að merkingarbreytingin tengist goðsögninni um að Ísland sé ríkasta þjóð í heimi, enda teldust þá íslendingar sjálfkrafa helstu auðmenn heimsins.  Einhvern veginn finnst mér þetta þó ekki stemma við íslenskan raunveruleika. 

Hvað finnst ykkur hinum; erum við öll orðin auðvald?

Athugasemdir

[(IP-tala skráð) 16.8.2009 kl. 14:05]

Já góð spurning, en þarf þá ekki líka að spyrja um hvað valdið nær lang ???

Ef það rúmast innan veggja heimilsins þá er ég klárlega auðvald, en lengra nær mitt vald ekki, því ég stjórna engu nema heimilsbókhaldinu, og enn tekst mér að ná endum saman.

Er það þá kannski merki um valdsýki????

[Kolbrún Hilmars, 16.8.2009 kl. 17:53]

Ja, takmarkanir auðvaldsins er ekki viðfangsefni orðabókarinnar. 

Nú veit ég ekki hver tilgangur áróðursafla er með því að klína auðvaldsstimpli á venjulegt launafólk, en hef grun um að það tengist eitthvað ESB.  Viðkomandi öflum virðist ekki líða vel á meðan okkur tiltölulega sjálfbjarga alþýðufólki tekst að halda í sjálfsvirðinguna. 

En það er merkilegt að nýju kommarnir vilji svipta okkur því sem við þó höfum og íslensk alþýða hefur barist fyrir áratugum saman með dyggri aðstoð gömlu kommanna.

Ætli þetta sé ekki bara valdasýki eftir allt saman?

[(IP-tala skráð) 16.8.2009 kl. 18:14]

Skrattans valdagræðgi alltaf Held þú hittir í mark með að þetta tengist ESB, við verðum hreinlega að fara á vonarvöl til þess að samþykkt verði að ganga í það helvítis bákn fyrr verða þau ekki ánægð Gráni og Grána.

[Kolbrún Hilmars, 16.8.2009 kl. 19:07]

Það liggur við að ég samþykki ESB aðild bara til þess að þetta lið reki sig sem fyrst á alvöru lífsins:  "þetta var nú eiginlega ekki það sem ég meinti"

Aðeins ef þetta fólk gæti hugsað aðeins út fyrir hagsmunakassann sinn og hefði hugmyndaflug til þess að ímynda sér hvað varanlegir valkostir eru dýrmætir í lífinu, bæði fyrir einstaklinga og samfélög.