Utanríkisþjónustan ~ flottræfilsháttur.

Það er eins og menn segja gjarnan í dag - dálítið 2007 - að hampa flottræfilshætti íslendinga erlendis.

Áreiðanlega er okkur nauðsynlegt að halda úti fulltrúum landsins í formi utanríkisþjónustu erlendis til þess að kynna málstað þjóðarinnar, styðja við milliríkjaviðskiptin og við bakið á námsmönnum okkar og ferðalöngum.

En er nokkuð vit í því að í hverju krummaskuði sem finnst á jarðarkúlunni þurfi 300 þúsund manna þjóð alltaf að flagga flottasta og dýrasta sendiráðshúsnæðinu?

Að auki gætum við líka sparað töluverðan mannskap hér heima - hvaða þörf er á sendiráðherraembættum með aðsetur á Rauðarárstíg?

Engir kokteilpinnar

Athugasemdir

[Haukur Kristinsson (IP-tala skráð) 7.4.2009 kl. 18:49]

Utanríkisþjónustu Íslands er ekki vanmetin. Hún er hinsvegar stórlega ofmetin af þeim sem þar hafa hagsmuna að gæta og vilja halda sínu lítt krefjandi starfi. Starf sem er algjör anachronism í okkar tæknivædda heimi. Utanríkisráðuneytið hefur verið mesta bitlingaráðuneyti ríkisins og kennir þó ýmissra grasa hvað það varðar hjá ríkinu. Þar mætti niðurskera um 50-60% án þess að nokkur neikvæð afleiðing yrði. Sparnaðurinn myndi hinsvegar skipta hundrum milljóna.

[(IP-tala skráð) 7.4.2009 kl. 18:50]

Sammála.

[Fransman (IP-tala skráð) 7.4.2009 kl. 18:59]

Þið eruð tvö "brilliant" dæmi um hversu illa upplýstir Íslendingar eru upp til hópa.

[Kolbrún Hilmars, 7.4.2009 kl. 19:12]

Fransman - þetta var óréttmætt skot og fyrir neðan þína virðingu! Ef þú vilt gagnrýna minn málstað - sem þessi "tvö" voru sammála - væri þér sæmst að ráðast á upphafsmanninn.

Ekki væri verra ef þú kæmir þá með einhver sannfærandi mótrök...

[(IP-tala skráð) 7.4.2009 kl. 19:38]

Fransbrauð... afsakið fransmann,,, þín orð eru svo dæmigerð fyrir gríðarlega vel upplýstan einstakling, það sjáum við svo vel ....... eða þannig.

[Fransman (IP-tala skráð) 8.4.2009 kl. 07:06]

Mér fallast barfa hendur við að ætla að reyna að útskýra fyrir ykkur hvað utanríkisþjónustan gerir fyrir efnahag og fólkið á Íslandi.

Og þetta "En er nokkuð vit í því að í hverju krummaskuði sem finnst á jarðarkúlunni þurfi 300 þúsund manna þjóð alltaf að flagga flottasta og dýrasta sendiráðshúsnæðinu?"

Ísland er t.d. ekki með neitt sendiráð á Ítalíu ...    eða Spáni ...eða Portúgal ... eða ...    kynnið ykkur þetta aðeins ..

Sendiráðið sem sinnir þessum löndum (og 6 öðrum löndum) er í einföldu skrifstofuhúsnæði á 3 hæð í allt öðru landi . Og langt frá því að þar sé einhver íburður eða flottræfilsháttur.

[Kolbrún Hilmars, 8.4.2009 kl. 13:16]

Sæll aftur Fransman. Tók meðfylgjandi lista af heimasíðu Utanríkisráðuneytisins og sýnist að það mætti spara víða.

Til dæmis að fækka sendiráðum í ESB löndum (á meginlandinu) í eitt, loka öllum Afríkusendiráðunum plús Sri Lanka og fara þar í samvinnu við hin Norðurlöndin. Ég er þó hissa á þér að vita ekki af sendiráðinu í Róm?

Íslenskar sendiskrifstofur:

• Austurríki

• Bandaríkin

• Belgía

• Bretland

• Danmörk

• Finnland

• Frakkland

• Indland

• Ítalía

• Japan

• Kanada

• Kína

• Malaví

• Mósambík

• Namibía

• Noregur

• Rússland

• Sri Lanka

• Suður-Afríka

• Sviss

• Svíþjóð

• Úganda

• Þýskaland

[(IP-tala skráð) 8.4.2009 kl. 20:19]

Eigum við mikil viðskipti við Úganda?? Nú eða Namibíu ??? Þetta er langur listi.

[Kolbrún Hilmars, 9.4.2009 kl. 15:09]

Ofangreindur listi er reyndar afar einfaldaður. Að auki eru fastanefndir hér og þar - svo og aðalræðisskrifstofur.

Sendiráðin á Sri Lanka og í Afríku eru öll (nema í Pretoríu) umdæmisskrifstofur á vegum Þróunarsamvinnustofnunar Íslands en hafa stöðu sendiráðs í viðkomandi ríkjum.

Það er alveg ljóst að í þessum geira má hagræða verulega, ekki síst í samvinnu við norska eða danska.