Hverjir eru hinir tekjuhærri?

Ég hef lifað tímana tvenna og þetta er ekki í fyrsta skipti sem ég heyri þessa tuggu.  Aldrei er skilgreint hverjir þessi tekjuhærri eru, en svona skattaleg hugmyndafræði hefur alltaf bitnað helst á meðalmanninum. 

Vonandi átti ráðherrann við raunverulega hátekjumenn - þessa sem hafa 30 milljónir á mánuði!

Vill dreifa skattbyrðinni

Athugasemdir

[Eva Hauksdóttir (IP-tala skráð) 2.2.2009 kl. 20:42]

Eru þeir ekki allir með sín skattamál í öðrum löndum?

[Sigrún Jónsdóttir, 2.2.2009 kl. 20:57]

Við hvað er miðað, þegar þessi skattur er settur á í öðrum löndum?

Ég aðhyllist hátekjuskatt en á sama tíma vil ég að til verði "opinber" framfærslugrunnur.  Held nefnilega að tekjur láglaunafólks þurfi að hækka töluvert svo hægt sé að mæta grunnframfærsluþörf.

[Kolbrún Hilmars, 2.2.2009 kl. 21:21]

Eva, það skiptir ekki svo miklu máli hvort hátekjuliðið er hér eða þar.  Ef þetta lið á annað borð greiðir nokkra skatta hér þá yrði það  að hámarki 10% fjármagnstekjuskattur.  Það má ekki gleyma því að þetta "útrásar"lið hefur herskara af lögmönnum og skattasérfræðingum hálaunuðum sér til ráðgjafar OG hefur efni á því að greiða þeim fyrir viðvikið.    

Sigrún, vandamálið er alltaf það sama, gryfjan sú sem Steingrímur J fellur í óvitandi eða vitandi vits?? : 
Það er ekki hægt að skattleggja refinn sem forðast gildruna.

[Eva Hauksdóttir (IP-tala skráð) 2.2.2009 kl. 22:21]

Má ekki breyta reglum um fjármagnstekjuskatt? Varla viltu bara gefast upp fyrir klækjarefum?

[Kolbrún Hilmars, 2.2.2009 kl. 22:44]

Nei, Eva mín - ég vildi ekki gefast upp fyrir klækjarefunum en fæ litlu ráðið og sé ekki betur en Steingrímur J muni lúffa fyrir þeim líka.  Þó er SJ sennilega með heiðarlegri og réttlátari mönnum - og í mun betri aðstöðu en ég  

Þetta með fjármagnstekjuskattinn er nefnilega tvíbent vopn/vörn.  Við almúginn fáum kannski 10þúsund kall í ársvexti af litlu sparisjóðsbókinni okkar en ríkið fær þúsund kall í fjármagnstekjuskatt.  Okkur finnst ekki sanngjarnt að borga meira.  Þessir spariaurar okkar er nefnilega afgangurinn sem við höfum lagt fyrir af laununum okkar eftir að við höfum greitt 37% tekjuskatt.

Upphaflega held ég að fjármagnstekjuskatturinn hafi verið hugsaður þannig; að efla og styðja við sparnað almennings.  EN:  eins og fyllibytturnar koma óorði á brennivínið, þá hafa fjárglæframenn komið óorði á fjármagnstekjuskattinn.

Eflaust eru einhvers staðar einhverjir hagfræðisnillingar sem gætu leyst málið og breytt reglum um fjármagnstekjuskatt á þann hátt að fjárglæframenn yrðu settir út fyrir á meðan venjulegir sparifjáreigendur héldu sínu.  Enn hef ég þó hvorki heyrt né séð neina þeirra viðra hugmyndir um hvernig það mætti framkvæma.

[Auðun Gíslason, 2.2.2009 kl. 23:46]

Óskapar væl er þetta?  Ekki var vælt svona þegar frjálshyggjusöfnuðurinn var að lækka hér skatta af fyrirtækju og hátekjufólk.  Þá horfðu nú flestir í gaupnir sér og hugsuðu (kannski):  Já þetta er náttúruleg alveg rétt.  Það segja það allir!

[Kolbrún Hilmars, 3.2.2009 kl. 00:22]

Auðun, hátekjuskatturinn var felldur niður á sínum tíma því hann var bara orðinn brandari.  Ingibjörg Sólrún viðurkenndi sjálf þegar hann kom til umræðu á síðasta ári að endurupptaka á hátekjuskatti í þeirri mynd sem var, væri bara táknrænn.   Og þá vældi ekki neinn nema sá sem ekki hafði vit á!

[(IP-tala skráð) 3.2.2009 kl. 00:45]

Það hefur alltaf verið þannig að "dreifð"  skattbyrði bitnar á því fólki sem rétt skrimtir og það endar svo í því að lenda í vandræðum vegna aukinna byrða.

Væri ekki hægt að hafa skattfrjálsmörk á fjármagnstekjuskattinum t.d. þú greiðir ekki slíkan skatt af fyrstu milljóninni en svo % eftir það'''?'

Kveðja úr Nottinghamskíri

[Kristján Jóhannsson (IP-tala skráð) 3.2.2009 kl. 04:51]

Ég hef nú búið í nokkur ár í landi þar sem þetta kerfi er notað í skattamálum (BNA) og ég get með sanni sagt að af fenginni reynslu er þetta kerfi ekki bara ólýðræðislegt heldur ömurlega ósanngjarnt. Við hjónin erum að fara yfir skattaskýrluna og þar sem ég vann umm 10 yfirvinnutímum of mikið á seinasta ári þá skuldum við um 1000 dollara í skatt í stað þess að fá um 1500 dollara endurgreitt. Bara af því að ég fór yfir eitt þrepið og hækkaði þar rækilega í prósentum.

Mætti líka benda á að flest ríkin hérna í BNA eru í alvarlegum fjárhagsvandræðum vegna þess að þau eru svo háð skatttekjum frá ríkasta fólkinu. Er öðru við að búast þegar 1% skattbærra manna (þeir laaaang tekjuhæstu) borga 50% af sköttunum? Er öðru við að búast þegar 5% skattbærra manna (þeir tekjuhæstu) borga 90% allra skatta á sama tíma og 40% skattbærra manna fá meira frá ríkistjórninni heldur en þeir borga í skatt, ef þeir þá borga nokkuð í skatt til að byrja með? Bil sem á víst að breikka þar sem Obama hefur boðað skattahækkanir á þá tekjuhæstu og skattalækkanir á þá tekjuminni.

Ekki gleyma því að það er þeir tekjuhærri sem hafa efni á því að halda einhverjum í vinnu, stofna ný fyrirtæki, fjárfesta í frumkvöðlastarfsemi og nú á að skattleggja þá sérstaklega fyrir það eitt að vegna vel 

[Eva Hauksdóttir (IP-tala skráð) 3.2.2009 kl. 09:22]

Þeir eru ekki skattlagðir fyrir það eitt að vegna vel, heldur vegna þess að það eru þeir sem græða á vinnuframlagi og neyslu hinna. Sérðu virkilega enga sanngirni í því að þegar ríkur maður græðir á fátækum, þá njóti sá fátæki góðs af honum á móti?

[Kolbrún Hilmars, 3.2.2009 kl. 10:41]

Kristján er eiginlega að staðfesta það hvernig hátekjuskatturinn bitnar á meðalmanninum, launþeganum. 

Skatttekjur eru nauðsynlegar til þess að halda uppi velferðarkerfinu, en vandasamt er að finna meðalhófið í álagningunni,  það er ekkert vit í því að slátra mjólkurkúnni.  Svo líka hitt að fyrirtækin þurfa að hafa einhverja gulrót því það eru jú þau sem skaffa launþeganum vinnu.  Reyndar verður enginn maður ríkur af venjulegri launavinnu - og jafnvel ekki heldur af atvinnurekstri miðað við íslenskar rekstrarstærðir.

Silla, þú hefur þá náð heilu og höldnu á áfangastað.  Hvernig gekk að vaða snjóskaflana þarna úti? 

[Jón Ólafur Vilhjálmsson, 3.2.2009 kl. 21:27]

Ég tel að einstaklingur með yfir 600.000 kr sé tekjuhár þar gæti leigið annað þrepið og svo 800.000kr sé efra þrep 1100.000kr sé hæsta þrep.

[(IP-tala skráð) 3.2.2009 kl. 23:08]

.....Kolla ...... ja sko.......... mér dugðu inniskórnir í þá skafla en skóla var samt aflýst í dag  og  var hér þó glampandi sól en um 3 stiga frost, sem sagt frábært veður.   

[(IP-tala skráð) 3.2.2009 kl. 23:10]

ps  Helga biður að heilsa kærlega.