Skjóla er EKKI nýyrði

Við þessi austfirsku notum enn þetta orð yfir bæði mjólkurfötur og skúringafötur og höfnum því alfarið að orðið fái yfirfærða merkingu sem höfuðfat - alveg sama hvernig það er í laginu! 

Hann hlýtur að hafa verið Reykvíkingur þessi snillingur sem flokkaði "skjóluna" sem nýyrði 

Höfuðfatið heitir skjóla

Athugasemdir

[Árný (IP-tala skráð) 22.1.2009 kl. 20:51]

Ég bý nú ekki á Austfjörðum heldur í nágrenni Rvíkur.  Mér finnst mjög skrítið að nota þetta orð yfir buff þar sem orðið skjóla er til í íslensku í annarri merkingu.  Ég hefði kannski frekar viljað kalla þetta skuplu þó það sé líka til.  Skupla er þó höfuðklútur eins og buffið

[Kolbrún Hilmars, 22.1.2009 kl. 21:31]

Stefán, við austfirðingar eigum samt fyrsta veðrétt - skjólan okkar er allrahanda þarfaþing í heimilishaldinu enn í dag. 
Eflaust getum við skemmt okkur vel í framtíðinni við yfirfærðu merkinguna þegar höfuðfötin ber fyrir augu en samt er svolítið súrt í broti að sem minnihluta á landsvísu þyki öðrum aldeilis óhætt að stela frá okkur skjóluheitinu.  Skella því svo á höfuðið í þokkabót.   

[(IP-tala skráð) 22.1.2009 kl. 23:50]

Algjörlega sammála Kollu, það verður allavega langt þar til ég fer að nota skjólu á hausinn á mér, en ég skúra með henni alveg hikstalaust.

[Kolbrún Hilmars, 23.1.2009 kl. 14:50]

Þú segir nokkuð, Björn.  Hér áður fyrr var mikill samgangur og fólksblöndun milli Austfjarða og Skaftafellssýslu austan Skeiðarársands og skjóluheitið hefur sennilega flotið með.  Þetta með Rangárvellina þekki ég ekki - kannski hafa einhverjir rangæingar sótt sér maka austur á land? 

Þegar ég var "ung" varð mér einhvern tíma á að kalla fötu "skjólu" á vinnustað hér á Rvíkursvæðinu.  Yfirmaður minn, Húnvetningur, gerði óspart grín að mér lengi á eftir.  Ég skildi auðvitað ekkert hvað gekk að manninum