Nei og aftur nei.

Það má ekki skerða heilbrigðis- og félagsþjónustu.   Fyrst má líta til utanríkisráðuneytisins þegar niðurskurður er á borðinu; eru rándýrar sendiráðsvillur og rándýrir sendiráðsgæðingar mikilvægari en heilsufar hins almenna íslendings og velferð ömmu og afa á elli- eða hjúkrunarheimilum?

Það má gera Landsspítala og öðrum heilbrigðisstofnunum að hagræða í rekstri - en bara þangað og ekki lengra!

Tillögur um mikinn niðurskurð

Athugasemdir

[(IP-tala skráð) 13.12.2008 kl. 00:59]

Það er alveg sama hvar borið er niður, rangar ákvarðanir í allar áttir. Ég tel reyndar að mikið sé hægt að hagræða hjá stóru sjúkrahúsunum, en það á að koma til aukinnar þjónustu en ekki skerðingar á fé. Sendiráðin mega alveg missa sín og við getur örugglega fegnið  kontor leigðan hjá hinum Norðurlöndunum ef bara vilji er fyrir hendi.

[Sigrún Jónsdóttir, 13.12.2008 kl. 01:34]

Þetta fólk sem þarna situr mun svífast einskis....það hafa þau sýnt í gegnum tíðina.

[Kolbrún Hilmars, 13.12.2008 kl. 12:26]

Jújú,  nýjasta sparnaðartillagan er að sameina slysa- og bráðadeild LSH undir einu þaki.   Það verður aldeilis huggulegt að fá hjartaáfall og lenda fyrst í biðröðinni á slysó í Fossvogi og fá síðan að hossast í sjúkrabíl upp á Lansa.  En sparnaðurinn felst e.t.v. í því að fækka þannig bráða-hjartasjúklingum?

[Kolbrún Hilmars, 13.12.2008 kl. 13:39]

Sigrún, það þarf áreiðanlega sálfræðing til þess að kanna hvort heldur þingmenn almennt verði fyrir einhverri geðröskun við það að setjast á þing eða þangað veljist helst þeir sem eru geðraskaðir fyrir.  Einn og einn heldur áreiðanlega fullum sönsum, en þeir hafa álíka atkvæðavægi og íslendingar myndu hafa í ESB.

Silla, þetta með kontórinn er góð hugmynd, enda þurfa íslendingar ekkert stærra.  Veisluhöld og lúxushúsnæði ættu að heyra Gamla-Íslandi til, enda þarf landinn að snarsnúa sér í fjármálabruðlinu, bæði heima og erlendis.