Segjum upp EES samningunum og Schengen samkomulaginu!

Þessir samningar hafa einungis fært okkur bölvun eins og hvert íslenskt mannsbarn ætti að gera sér grein fyrir nú orðið.Yngri kynslóðinni er talin trú um að við íslendingar höfum aldrei haft það gott fyrr en eftir EES. 

Þetta er ekki rétt.  Bestu tímar og mesta frelsi fyrir íslenskt launafólk á síðustu öld var upp úr 1984:  Það var þá sem við fengum krítarkortin, ferðafrelsið, gjaldeyrisfrelsið.  Allt þetta var í boði okkar eigin íslensku þjóðar sem vann hörðum höndum fyrir frelsinu og ekkert var fengið að láni utanlands frá.

Hvar erum við nú stödd með fögru fyrirheitin EES:  Gjaldþrota þjóð, gjaldþrota heimili, milljarðaskuldir við þegna erlendra stórþjóða, gjaldeyrisárbyrgð á þúsundum erlendra farandverkamanna sem vilja eyða kaupinu sínu annars staðar en hér, hundruð vandræða- og glæpamanna sem annað hvort sitja í íslenskum fangelsum á kostnað íslenskra skattgreiðenda eða eru lausgangandi og virkir í því að stela öllu steini léttara af vinnuveitendum okkar eða frá heimilum okkar.  Og við þorum ekki lengur ein niður í miðbæ okkar einustu pínulitlu höfuðborgar!

Nú á nostalgía okkar gamalmennanna fullan rétt á sér!

Athugasemdir

[Skattborgari, 25.10.2008 kl. 20:04]

Vel orðað hjá þér Kolbrún og alveg hárétt en það er eins og það megi ekki hugsa um vandamálin heldur bara það sem við fáum.

Kær kveðja Skattborgari.

[Kolbrún Hilmars, 25.10.2008 kl. 22:01]

Skatti minn, ég er að eðlisfari ódrepandi bjartsýnismanneskja á aðra hönd og raunsæispúki á hina.  En þetta EES og ESB fár eru að drepa þessa eiginleika og ég hef grun um að það snerti ekki bara mig svona prívat og persónulega heldur alla hina "venjulegu" íslendingana líka. 

Það er unnið skipulega að því að drepa þjóðarsálina. 

Fávitarnir sem mæta á Austurvöll til þess að mótmæla geta ekki einu sinni komið sér saman um hverju eigi að mótmæla!  Ég leyfði mér að kalla þessa einfeldninga fávita og bæti um betur "Fyrirgef þeim faðir, því þeir vita ekki hvað þeir gjöra". 

Jamm, ég er reið og hef ástæðu til því EES og Co er búið að rústa lífi mínu 

[(IP-tala skráð) 26.10.2008 kl. 10:30]

Algjörlega sammála með Schengen, er enn að skoða kosti og galla EES en miðað við hvar ég er stödd í lestrinum hallast ég í augnablikinu í þína átt kv Silla