2000 hælisleitendur á Íslandi?

Svo kann að fara nú þegar nágrannaþjóðirnar eru farnar að draga saman seglin, auk þess er þetta ekkert óskaplega há tala eða hvað?  En hefur einhver reiknað út hvað þessi fjöldi kostar svona miðað við að farið sé að núgildandi lögum?  Opinberaðar kostnaðartölur vegna hælisleitenda hafa snarlækkað síðustu daga, líklega til þess að draga úr urgi almennings, svo ég ætla hér að reikna með þeim lægstu sem nefndar hafa verið. 

Pr. mann kr. 208.000 á mánuði x 2000 manns= kr. 416.000.000 pr mánuð (416 milljónir)

Fyrir 2000 manns að staðaldri á ári = kr. 4.992.000.000 (4992 milljónir) 

Ef einhver vill halda því fram að í þessu blákalda reikningsdæmi felist rasismi eða útlendingahatur er viðkomandi velkomið að tjá sig um það hér.

Athugasemdir

[Sigrún Jónsdóttir, 19.9.2008 kl. 19:38]

Hefur fyrstu tölum verið mótmælt einhverstaðar?  Ég hef alveg misst af því

[Kolbrún Hilmars, 19.9.2008 kl. 20:33]

Nei, Sigrún, fyrstu tölum var hvergi mótmælt - þær breyttust bara.  Ég þykist vita í hverju munurinn liggur en þar sem ég hef engar haldbærar upplýsingar segi ég bara eins og pólitíkusarnir: "vil ekki tjá mig frekar um það á þessu stigi málsins".  

[Kolbrún Hilmars, 20.9.2008 kl. 17:03]

Þar sem enn hefur enginn gefið sig fram til þess að leiðrétta útreikningana mína eða bæta við upplýsingum, ætla ég að gefa Sigrúnu hreinskilið svar: 

Það veit enginn hvað hælisleitendur, hver og einn,  kostar þjóðfélagið.

Þetta er dæmigert kerfismál.  Ríkið borgar brúsann en heildartölurnar liggja ekki fyrir fyrr en eftir dúk og disk.

[Jón Bragi (IP-tala skráð) 21.9.2008 kl. 19:10]

Sælar Kolbrún.

Ekki ætla ég að fetta fingur útí reiknislist fyrrverandi bankastarfsmanns og aðalbókara í kerfinum.

Það er bara upphafstalan sem stendur svolítið í mér. "Svo kann að fara..." þ.e. að flóttamenn á Íslandi verði 20 þúsund á ári. Þarna ertu þú með hreinar spekúlasjónir og getgátur. Er það líklegt að fjöldi flóttamanna fari allt í einu uppí 2.000 á ári þegar þeir hafa verið á 8 ára tímabili samtals 354 (1996-2003 ef ég man rétt) þ.e. um 44 á ári?

[Kolbrún Hilmars, 21.9.2008 kl. 19:26]

Sæll aftur, Jón Bragi, alltaf velkominn    Rétt er að ég þekki kerfið innanfrá og einnig það að talan 2000 var tilgáta, enda setti ég spurningarmerki við. 

Ég fílósóferaði með dæmið því nú eru nágrannaþjóðir okkar farnar að spara og setja takmörk, en hvert leita hælisleitendur þá? 

[Kolbrún Hilmars, 23.9.2008 kl. 16:24]

Svo gleymdi ég auðvitað að spyrja Jón Braga, sem mér skilst að búi í Svíþjóð, hversu margir hælisleitendur bíða þarlendis eftir afgreiðslu og hve langan tíma biðin tekur að jafnaði.

Jón Bragi, ef þú kíkir aftur inn:  ????