Hvenær er "snobb" snobb?

Margt hefur verið bloggað um framkomu forsetarfrúarinnar síðasta sólarhringinn og sýnist sitt hverjum.  Ætla nú ekki að leggja í þann orðabelg; læt mér nægja að segja að á meðan forsetafrúin er forsetafrúin okkar en ekki bara forsetafrúin þá er hún í góðum málum.  En snobb - bæði upp- og niðurávið hefur oft verið nefnt í þessari umræðu. 

Því spyr ég:  Er ég að snobba niður á við þegar ég er almennileg við kassadömuna í matvörubúðinni?  Og uppávið ef ég er almennileg við bankastjórann "minn"?   

Er orðið snobb að fá víðtækari merkingu en áður var og farið að ná til "almennilegheita" líka?