Miriam Rose

Einn góður bloggvinur kastar oft fram frábærum spurningum til bloggara um hin ýmsu málefni, síðasta spurning hans varðaði kveikjur að bloggi.  Kveikjan að þessu bloggi eru skrif Miriam Rose, málsvara Saving Iceland,  í málgagni sunnudagsins.

Ég hef hvorki tíma né undirbúning til þess að svara skrifunum í smáatriðum á vitrænan hátt.   En grein Rose er ekki góð; tómar afsakanir út og suður og lýsir engu öðru en vanþekkingu á íslensku samfélagi og íslenskri sögu.  Það þarf einhver að taka SI í skóla og uppfræða um að hin margumtalaða einstaka náttúra landsins hefur sjaldnast verið eyðilögð af öðrum öflum en náttúrunni sjálfri.  Þjóðin hefur reynt að þrauka af i landinu - við mismiklar hörmungar - það er nefnilega náttúran sem hefur stráfellt þegnana en ekki öfugt.

Svo minni ég auðvitað á það (sem dæmi) að ef Askja gamla færi af stað myndi hún ekki bera neina virðingu fyrir Kárahnjúkavirkun fremur en grængresi, fuglalífi, uppistöðulónum og/eða mannlífi á Fjöllum - ekki frekar en árið 1875.

Athugasemdir

[Daníel Sigurður Eðvaldsson, 10.8.2008 kl. 18:03]

Hef aldrei haft mikla skoðun á Saving Iceland. Vill auðvitað viðhalda náttúrunni og fengið mig fullsaddan af þessum endalausum álversframkvæmdum. Það má varla byrja að byggja eitt þá er strax byrjað að tala um annað.

Hef tvisvar sinnum hitt Miriam Rose útaf vefsjónvarpi Morgunblaðsins. Eitt sinn var ég sendur upp á hellisheiðina til að mynda mótmælin þar og tók stutt viðtal við hana í leiðinni. Hljómaði allavega ekki svo vitlaus.

Ætla að kíkja yfir þessa grein :)

En það er fínt að fá smá hasar í fjölmiðlalífið yfir sumarið góða :)

[Kolbrún Hilmars, 10.8.2008 kl. 18:16]

Danni minn, ég sagði að greinin væri "ekki góð" sökum vanþekkingar.  Ég efast ekkert um að Rose sé ágætis manneskja en það var bara ekki mitt "angle" hér.

[Daníel Sigurður Eðvaldsson, 10.8.2008 kl. 18:50]

já ég reyndar vissi það alveg en vildi út af einhverjum ástæðum skrifa þetta.

[Kolbrún Hilmars, 10.8.2008 kl. 19:30]

Er elsku sátt með það Daníel minn -  mínar skoðanir eru jú bara mínar og mér þykir alltaf vænt um að fá gagnrýni og/eða önnur sjónarmið við þær - þótt ég lofi ekki endilega sinnaskiptum