Neytandinn greiðir - seljandinn innheimtir

Umræðan um hækkun á virðisaukaskatti í ferðaþjónustunni er villandi.  Af henni mætti halda að ferðaþjónustufyrirtækin þurfi að greiða vaskinn.  En þannig er það ekki; það er alltaf neytandinn sem greiðir að lokum. 

Hins vegar nýtur ferðaþjónustan, umfram aðrar atvinnugreinar, þess að reikna lægra VSK-þrepið af tekjunum og fá til frádráttar kostnað á hærra VSK-þrepinu, og jafnvel endurgreiðslur á mismuninum úr ríkissjóði.

Margir rekstraraðilar vildu gjarnan njóta sömu fríðinda.
 

Segir breytingar á VSK ámælisverðar

Athugasemdir

[Jóhann Kristinsson, 27.4.2017 kl. 14:54]

Að greiða $250 í VSK fyrir nóttina er algjört brjálæði. Fyrir $250 er hægt að fá flott lúxus herbergi á hóteli hér í Las Vegas.

Kveðja frá Las Vegas

[Kolbrún Hilmars, 27.4.2017 kl. 15:25]

Jóhann, $250 í VSK ER brjálæði, hver sem VSK prósentan er.  Miðað við 11% kostaði nóttin þá í heild USD:2522/IKR:277.000, en 24% USD:1292/IKR:142.000.  Hver hefur eiginlega efni á slíkum prísum?
Annars ætti að einfalda málið og hafa eina og sömu VSK prósentu af öllum VSK-skyldum rekstri, hver sem hann er.  Og lækka niður í ca 15% á línuna!

[Kolbrún Hilmars, 28.4.2017 kl. 16:16]

Hef verið að fletta upp þeim hótel- og veitingareikningum sem ég hef við höndina. Þ.e.a.s. þegar ég hef ferðast á "eigin vegum".
Þýskaland:  7% vsk fyrir gistingu  -  19% fyrir þjónustu/veitingar
Bretland:  20% vsk fyrir gistingu  -  20% fyrir þjónustu/veitingar
Danmörk:   25% vsk fyrir gistingu  -  25% fyrir þjónustu/veitingar
Ísland:    11% vsk fyrir gistingu  -  11% fyrir þjónustu/veitingar