Skiljanlegt - sumum!

Starfandi á almennum vinnumarkaði fá greidd laun eftirá.  Opinberir starfsmenn fyrirfram.

Af hverju vantaði þær upplýsingar í þessa frétt?

Fékk mínus 25 þúsund í laun

Athugasemdir

[Þorvaldur S (IP-tala skráð) 5.5.2015 kl. 15:55]

Það er reyndar misskilningur að opinberir starfsmenn almennt séu á fyrirframgreiddum launum.  Það eru eingöngu þeir sem störf hófu fyrir árið 1996 sem slíks njóta en meirihlutinn fær greidd laun eftirá.

[ls (IP-tala skráð) 5.5.2015 kl. 15:58]

Það má sjá þetta frá báðum hliðum:

a. Launþeginn er búinn að lýsa yfir að hann ætli ekki að vinna nema kannski hluta af næsta mánuði.  Því er ekki réttlátt að borga honum fyrirfram fyrir vinnu sem hann ætlar ekki að inna af hendi.

b. Launagreiðandinn ætlar greinilega ekki að semja, fyrst hann reiknar með að launþeginn vinni ekki í mánuðinum.

Svo er aftur með klókindin í því að borga ekki.  Annars vegar hleypir það illu blóði í menn og gæti því tafið samninga, hins vegar bítur verkfallið fyrr á launþegann og gæti því flýtt fyrir samningum.

[Haraldur Rafn Ingvason, 5.5.2015 kl. 16:08]

Engin klókindi fólgin í að borga ekki þar sem verkfallssjóður BHM sér um að greiða styrki til þeirra sem eru í verkfalli þannig að þetta gerir ekkert nema hleypa illu blóði í menn. Verður fróðlegt að sjá svar BB við spurningu pírata um á hverju sú ákvörðum byggi að greiða ekki þessi laun. http://www.bhm.is/um-bhm/upplysingasida-um-verkfall/greidslur-i-verkfalli/

[Ufsi (IP-tala skráð) 5.5.2015 kl. 16:34]

Hvort sem föst laun eru greidd fyrirfram eða eftir á þá er eðlilegast að gera upp yfirvinnu og óunnar stundir við næstu mánaðarmót. Þeir fyrirframgreiddu hefðu því átt að fá Maí borgaðan mínus óunna daga Aprílmánaðar.

[Kolbrún Hilmars, 6.5.2015 kl. 15:33]

Mínus útgreidd laun, eins undarlega og það hljómar, eiga almennt aðeins eina skýringu; fyrirframgreiðslu umfram ætluð laun.  Slíkt viðgengst stundum á almennum vinnumarkaði og jafnast yfirleitt út við næstu launagreiðslu.
Ef þetta kemur fyrir hjá hinu opinbera, þá hlýtur skýringin að vera sú að viðkomandi sé á fyrirframgreiddum launum sem hafi verið ofáætluð síðast.
Aö öðru leyti tek ég ekki afstöðu til málsins.

[Sigrún Guðmundsdóttir (IP-tala skráð) 8.5.2015 kl. 10:26]

Já, fréttaflutningurinn er með ólíkindum Kolbrún. Ætli þetta sé ekki runnið undan rifjum almannatengla sem virðast orðið stjórna landinu okkar?

Mér finnst þessi fyrirspurn pírata í besta falli popúlísk eða jafnvel barnaleg Helgi Rafn. Það eru til lög um þetta sem ykkur væri í lófa lagið að kynna ykkur - ekki bara gera ykkur breiða í pontu. 

Fyrir utan að ég skil ekki hvar bæði lög- og hagfræðingar launþegasamtakanna eru núna? Bara alveg horfnir! 

[Kolbrún Hilmars, 8.5.2015 kl. 14:03]

Þakka þér fyrir, Sigrún - bæði innleggið og að skilja hvað ég var að gagnrýna.  :)
Sjálf var ég reyndar opinber starfsmaður í 15 ár, til ársins 1990 og var á eftirágreiddum launum allan þann tíma.  En fyrirframgreidd laun voru þó algeng á þeim tíma, ekki aðeins hjá hinu opinbera heldur víðar.
Eflaust er þetta þó að verða liðin tíð, a.m.k. í almenna geiranum, enda eru launakerfin í dag ekki hönnuð fyrir "mínus-útborguð" laun.