Baráttumál Regnbogans eru skýr

Regnboginn býður fram undir merkjum sjálfstæðis og fullveldis, sjálfbærrar þróunar, jafnréttis, bættra lífskjara almennings, mannréttinda og félagshyggju.

Mikilvægustu málin eru þau sem eru efst á lista; sjálfstæðismálin og andstaða við ESB aðild.  Öll hin málin munu síðan mótast af því hvort þjóðin verður áfram sjálfstæð eða aðeins hornkerling í Brusselveldinu.

Regnboginn hefur kynnt stefnumálin og teflt fram frábærum frambjóðendum í öllum kjördæmum.  Þessir frambjóðendur búa yfir þekkingu á flestum sviðum samfélagsins; þekkingu sem mun nýtast í þjóðfélagi sem treystir á eigin mátt.  Og þeim kjósendum sem þora að láta á það reyna í kjörklefanum.

X við J á kjörseðilinn 

 

Athugasemdir

[Rafn Guðmundsson, 25.4.2013 kl. 18:19]

rétt - Baráttumál Regnbogans eru skýr - og eftir nokkra daga sjáum við hvað margir íslendingar eru á þessari línu ykkar

[Kolbrún Hilmars, 25.4.2013 kl. 18:40]

Takk Rafn minn fyrir stuðninginn.    Ekki viljum við láta XB eða XD "baka" okkur, eða hvað?