Sérlausnir og undanþágur

Samkvæmt MBL grein í dag fer lítið fyrir undanþágum í ESB aðildarviðræðum íslensku kratanna.  

Svo vísað sé til orðalags blaðamanns "þó má nefna" að ESB féllst á útfærslu Íslands á reglum um frjálsa för vinnuafls og fyrirkomulagi á brennivínssölu hérlendis.  Þetta er allur afrakstur svokallaðra samningaviðræðna í þeim 11 köflum aðildaraðlögunar sem er endanlega lokið!

Aðrar sérlausnir eru enn vonarpeningur.  Samkvæmt aðalsamningamanni (ESB?) "fer Ísland fram á" eitt og annað smotterí sem óvíst er hvernig lyktar.  Sérstaklega verður þó spennandi að sjá hvort samþykkt verði "að ekki þurfi að taka upp sumartíma á Íslandi".

Sumar sérlausnir og undanþágur í þessu undarlega ESB aðlögunarferli virðast fáránlegar (svo sem eins og þessi með sumartímann) en ennþá fáránlegra er að þær skuli yfirhöfuð vera til umræðu!

 

Athugasemdir

[Kolbrún Hilmars, 16.4.2013 kl. 15:48]

Því má bæta við að hvað svo sem "útfærsla Íslands" varðandi frjálsa för vinnuafls þýðir, virðist samkomulagið ekki ná til erlendra starfsmannaleiga.

[Rafn Guðmundsson, 16.4.2013 kl. 16:19]

sammála Kolbrún - sennilega þurfum við engar sérlausnir

[Rafn Guðmundsson, 16.4.2013 kl. 16:21]

eða litlar

[Kolbrún Hilmars, 16.4.2013 kl. 16:24]

Rafn, við látum nú Möltu ekki skáka okkur í undanþágunum; þar fengu menn 7 sardínur - við látum okkur ekki nægja minna en 10 makríla...

[Rafn Guðmundsson, 16.4.2013 kl. 17:00]

ég er sáttur við 7

[Kolbrún Hilmars, 16.4.2013 kl. 17:16]

Varstu nokkuð í Svavarssamninganefndinni um Icesave, Rafn?

[Rafn Guðmundsson, 16.4.2013 kl. 19:25]

7 sardínur er þá ekki nóg fyrir þig?

[Ásthildur Cesil Þórðardóttir, 16.4.2013 kl. 23:32]

Rafn er orðin örvæntingarfullur, hann kommenterar á alla moggabloggara. En Kolbrún, nákvæmlega það eru engar undanþágur í boði, bara aðlögun stórbandalags, sem er að brotna innanfrá og er í raun í frjálsu falli á heimaslóðum.  Við skulum bara taka þessu rólega og leyfa risanum að falla, bara gæta þess að við séum ekki undir þar sem hann fellur. 

[Rafn Guðmundsson, 17.4.2013 kl. 09:13]

rétt Ásthildur - stundum finnst mér eins og ég sé tekinn við af þér. en bull þarf að stöðva í fæðingu og er það víða hérna á blog.is

[Kolbrún Hilmars, 17.4.2013 kl. 11:50]

Auðvitað átti að stöðva bullið í fæðingu - þann 16. júlí 2009!

[Ásthildur Cesil Þórðardóttir, 17.4.2013 kl. 13:59]

Gott að þú kemur mér til aðstoðar Rafn minn

[Helga Kristjánsdóttir, 17.4.2013 kl. 17:48]

Allir og allt að verða gott,svona eins og litli bróðir sagði á mánudögum í den; "Ah,nú er gott opnar búðir stuttar buxur og gúmmískó"

[Kolbrún Hilmars, 17.4.2013 kl. 21:09]

Já, við verðum bara býsna góð, hvert við annað, þegar sá mánudagur rennur upp að ESB umsókninni hefur verið troðið í ruslatunnuna - ekki samt þá tunnu sem fer til endurvinnslu... 

[Ásthildur Cesil Þórðardóttir, 17.4.2013 kl. 22:07]

Einmitt við verðum að gæta þess að það fari alls ekki í endurvinnslutunnuna, heldur í hina einu sönnu ruslatunnu.