Feimnismál kosningabaráttunnar

er greinilega mikilvægasta hagsmunamál þjóðarinnar nú um stundir; fullveldið sjálft.

Fráfarandi stjórnarflokkar sáu sér hag í því að sópa ESB umræðunni undir teppið - væntanlega til þess að geta tekið aftur upp þetta eina baráttumál sitt óskaddað í hugsanlegum  stjórnarsáttmálaviðræðum eftir þingkosningar í apríl.  

Okkur er sagt að "hægt hafi verið á aðildarumræðum", hvað sem það svo þýðir annað en að nú séu ESB aðildarviðræður komnar bak við embættismannaskrifborðin í stað þess að liggja í skugganum undir borðunum.

Líklega hefur einhver glöggur tekið eftir því að stjórnarflokkarnir SF og VG taka sáralítinn sem engan þátt í málefnalegri umræðu í aðdraganda kosninganna.  Skiljanlega - ekki vilja þeir eyðileggja sitt eina baráttumál sem eftir lifir af gott betur en fjögurra ára stjórnartíð.

Eigum við að láta þá komast upp með enn eina þöggunina?

 

Athugasemdir

[Rafn Guðmundsson, 14.4.2013 kl. 17:36]

er nokkur ástæða fyrir þig að hafa áhyggjur af þessu. skv. ykkar skilgreiningu erum við já sinnar svo fáir að við skiptum engu máli

[Ásthildur Cesil Þórðardóttir, 14.4.2013 kl. 18:28]

Kolbrún til hamingju með að vera í baráttunni.  Gangi ykkur vel með ykkar framlag. 

[Kolbrún Hilmars, 14.4.2013 kl. 18:31]

Rafn, þessir fáu geta verið stórhættulegir. 

Nú hafa þeir eyðilagt VG og eru á góðri leið með að eyðileggja XD.  Jafnvel SF er í lamasessi - þar sem hinir fáu eru samt fleiri en hinir.

Þér að segja hef ég áhyggjur og þær ekki að ástæðulausu.

[Kolbrún Hilmars, 14.4.2013 kl. 18:35]

Takk Ásthildur mín, sömuleiðis.

[Rafn Guðmundsson, 14.4.2013 kl. 18:49]

reyndar erum við sammála um að "fáir geta verið stórhættulegir"