Mikill léttir

að þurfa ekki að læðast eins og þjófur á nóttu úr landi á sokkaleistunum.

Sum okkar eru nefnilega þannig sett að flugvallatrampið  bitnar á fótunum og förum við úr skónum í miðju kafi er alveg útilokað að komast í þá aftur.

Hætta að skanna alla skó

Athugasemdir

[Ásthildur Cesil Þórðardóttir, 3.1.2013 kl. 00:15]

Já mikið er ég fegin, reyndar ættu þeir líka að hætta að láta karlmenn rífa af sér beltið, því hver og einn einasti þeirra er með belti.

[Kolbrún Hilmars, 3.1.2013 kl. 10:58]

Mér hefur reyndar alltaf fundist þetta skemmtilegur siður að rífa beltin af körlunum. 

Það styttir manni stundir í biðröðinni að bíða spenntur eftir að þær detti niður - buxurnar...  

[Ásthildur Cesil Þórðardóttir, 3.1.2013 kl. 12:21]

Hahahaha þú meinar!?

[Kolbrún Hilmars, 3.1.2013 kl. 12:42]

Ja, ég get alla vega ekki skilið þessa beltafóbíu öðru vísi en sem skemmtiatriði. 

Ekki síst miðað við að karlarnir fá alltaf beltin sín aftur að sýningu lokinni...

[Ásthildur Cesil Þórðardóttir, 3.1.2013 kl. 13:57]

Já það er nú eins gott.  Þau eru nefnilega ótrúlega verðmikill ef maður þarf að kaupa eitt stykki.

[Kolbrún Hilmars, 3.1.2013 kl. 14:40]

Ég er stundum skemmtiatriði líka.

Á þennan fína blússu/jakka sem er með smellutölum úr málmi, bæði að framan og svo eru ermarnar brotnar og hengdar upp á miðjum  framhandlegg með smellum.
Þennan jakka nota ég gjarnan á ferðalögum í heitari löndum.  

Öryggishliðin pípa alltaf en aðeins einu sinni hef ég verið beðin um að fara úr jakkanum.   Fór að fyrirmælum vitandi afleiðingarnar.  Og stóð þar eftir á brjóstahaldaranum.  Hef aldrei fyrr séð flugvallareftirlit í fári! 

[Ásthildur Cesil Þórðardóttir, 3.1.2013 kl. 15:08]

Hahaha góð

[Ragnhildur Kolka, 3.1.2013 kl. 15:33]

Það þarf þonokkra utsjonarsemi við klæðaburð fyrir flug ef ekki a að enda eins og þú, a Evuklæðum.

[Kolbrún Hilmars, 3.1.2013 kl. 15:44]

Nja, skór og belti - látum það nú vera.  En að láta miðaldra kerlingar bera sig á almannafæri er auðvitað alvarlegra mál. 

Ég er ekkert sérstaklega viðkvæm í því efni og endurminningin yljar mér enn; allt þetta valdboðs-fólk veifandi höndum, hlaupandi bak við mig til að fela nektina fyrir öllu fólkinu sem var á eftir í biðröðinni - alveg ógleymanlegt.

Þetta atvik átti sér stað í ónefndu landi í S-Evrópu.  Sem ber (að sögn) virðingu fyrir eldri konum   

[runar (IP-tala skráð) 3.1.2013 kl. 22:42]

Þið eruð sniðugar stelpur.

En að öllu gamni slepptu þá er þetta "öryggisdæmi" í Leifsstöð óþolandi óþægindi!

Ég flýg mikið innan norðurlandanna starfs míns vegna og ég er stundum að fá fuck... nóg af þessu bulli.

Hvenær..nefnið mér aðeins eitt skipti, hefur flugleið milli danmerkur og íslands orðið fyrir aðkasti hryðjuverkamanna ?

Þetta er ekki flugleiðin milli Tel aviv og Teheran..þar gæti ég skilið öryggishasar framkvæmdan af miður gæfulegu liði sem féll á lögguprófinu en ekki...alls ekki á flugleiðinni milli köben og keflavík !

[Ásthildur Cesil Þórðardóttir, 4.1.2013 kl. 00:32]

Þetta er svona hyberforsjárhyggja að mínu mati, eins og er að komast á á öllum sviðum í dag. 

[Kolbrún Hilmars, 4.1.2013 kl. 18:33]

Runar, ég held að ef einhver hefði áhuga á að sprengja íslenska flugvél í loft upp væri hann löngu búinn að því.  Hryðjuverkamenn eru alltaf skrefinu á undan öryggiseftirlitinu - hvort sem er.

Við erum öll búin að fá nóg af þessu eftirlitsprjáli.  Ég man þá tíma að flugið var jafn fyrirhafnarlítið og ennþá er að taka lest beggja vegna hafsins.

[Bergljót Gunnarsdóttir, 7.1.2013 kl. 15:17]

Burt séð frá allri þessari belta, skó og hnappadellu, er ekki kominn tími á færiband eftir endilöngum ganginum út í hliðin þarna suður í Leifsstöð. Það er nefnilega of mikið, fyrir mjög marga, eldri borgara og fólk sem eitthvað amar að, að þurfa að rölta alla þessa leið eftir að hafa þurft að fletta sig klæðum o.s.frv.þarna í upphafi ferðar. Fólkið er orðið uppgefið og alltof seint út af tímanum sem það tekur að koma sér af stað frá þessu eftirliti. Ég hef svo sem ekkert út á það að setja, þetta eru víst öryggisreglur til að vernda okkur, " fyrir okkur sjálfum?" er það ekki.

Að vísu er einhverskonar hjólastólarallý í gangi þarna á stundum, en ef allir sem geta gengið, þó þeim sé það erfitt, færu að bija um þáttökurétt held ég að það myndi myndast alger kaos þarna í ganginum. Maður kemur varla á nokkurn flugvöll í siðmenntuðum löndum, sem er án slíkra færibanda, og þau eru fyrir alla,unga og gamla.

[Ásthildur Cesil Þórðardóttir, 7.1.2013 kl. 15:59]

Fyrir utan að það er bara ekkert aðgengilegt að vita hvar maður á að biðja um slíka þjónustu.  Það er löngu komin tími á svona færiband.