Staðsetning skiptir líka máli

Ef "þjóðin" ætlar að byggja allsherjarspítala , sem endast á næstu 100 árin, þarf að velja honum stað sem gæti gagnast þjóðinni allri, hvað sem á dynur.

Það er ekki bara kostnaðinn sem þarf að meta, heldur líka staðarvalið.  Það er heimskulegt að troða þessum "landsspítala" niður í miðborg Reykjavíkur.  Sama þótt einhverjir örfáir  starfsmenn búi í næsta nágrenni og geti ýmist gengið eða hjólað í vinnuna.   Sjúklingarnir sjálfir ferðast nefnilega flestir hverjir með sjúkrabíl.   Sumar göngudeildir og hjúkrunarvistun mætti hins vegar vel hýsa á gamla spítalanum við Hringbraut, til þess að nýta húsnæðið.

Miklu betri kostur fyrir nýjan og rándýran hátækniþjóðarspítala væri  t.d. Keldnaholt.  Þar er gott aðgengi úr öllum áttum; norðan, austan, sunnan og vestan að.  Bæði fyrir sjúklinga og starfsfólk.

 

 

 

Óvissuþættir í kostnaði nýs spítala

Athugasemdir

[Ásthildur Cesil Þórðardóttir, 20.9.2012 kl. 14:17]

Fyrir utan þessa staðreynd Kolbrún mín þá höfum við  ekki efni á nýjum hátæknispítala eins og er.  Það þarf að kaupa ný tæki og tól til að bjarga mannslifum, það er forgengurinn en ekki einhver risakumbaldi

[Kolbrún Hilmars, 20.9.2012 kl. 14:50]

Ásthildur, ég hef grun um að aðrir hagsmunir liggi að baki en þeir sem snúa að skynsamlegum áætlunum um byggingu þessa "þjóðar"spítala.   Svo sem að staðarvalið sé mikilvægara en sú staðreynd að þjóðin á ekki aur!

[Óskar Guðmundsson, 20.9.2012 kl. 16:27]

Sjúklingarnir eiga sennilega líka að hjóla á spítalann.

Það á nefnilega að loka amk annarri brautinni á flugvellinum og bæta vip 20-25.000 manns á miðbæjarsvæðið, svona að því er virðist til þess að fólk muni verja lengri tíma í sjúkrabíl en á sjúkrahúsinu sjálfu.

Væri ekki nær að fara amk með það að miðju höfuðborgarsvæðisins, efst í Kópavogi?

Þar mætti t.d. færa eitt skítafýluhverfi (hesta) og reysa húsið þar í staðin.... eða er byggingin bara ætluð "kaffi-latte" liðinu?

[Kolbrún Hilmars, 20.9.2012 kl. 17:47]

Óskar, ég tilheyri "kaffi-latte" liðinu, hvað bústað snertir.  Mun þó sjálf hvorki hjóla né ganga, fárveik, eitt né neitt.

En ég vil ekki sjá nýjum  stórum spítala sem á að þjóna íslendingum öllum næstu 100 árin, troðið - svo gott sem - niður í Reykjavíkurtjörn. 

Úthverfi í dag verður byggðarmiðja eftir 50 - 100 ár.  Efst í Kópavogi er svo öfugu megin við möguleg eldgos og hraunstrauma niður Elliðarárdalinn  frá  Bláfjöllum og/eða Reykjanesi og afleiðingar þess að dómi fræðinga. 

Það var þess vegna sem ég kýs Keldnaholt.

[Óskar Guðmundsson, 20.9.2012 kl. 18:37]

Höfðinn er einmitt þar sem öll plön hafa verið gerð hingað til gera ráð fyrir spítala.

Annars hef ég meiri áhyggjur af þessu http://www.t24.is/?p=2503

Ef þó ekki nema helmingurinn rætist að þá er nokkuð ljóst að hlegið verður að glapræði Hörpunnar í samanburði.

[Óskar Guðmundsson, 20.9.2012 kl. 18:38]

Eldgos geta einnig orðið á fleiri stöðum og eru þá hkíðar Skálafells gott dæmi.

[Kolbrún Hilmars, 20.9.2012 kl. 18:59]

Óskar, Snorri (Snorrason?) hefur oft bent á valkostinn á Höfðanum, og jafnvel teiknað myndrænt bæði spítalann og allt hans umhverfi þar.  En Höfðinn liggur lágt á bökkum Elliðaár og er einnig viðkvæmur fyrir flóðbylgjum af hafi.  Tveir megingallar sem koma ekki til með að ógna Keldnaholti.

Auðvitað er svo hitt meginmálið kostnaðurinn.  Ef verðlagning Katrínar, allt að 175 milljarðar er raunhæf,  þá stefnir í aðra Hörpu - margfalda!  Mætti því alveg eins skella þessu spítalaapparati ofan í stóru holuna sunnanvert við  Hörpuna. 

[Helga Kristjánsdóttir, 20.9.2012 kl. 21:07]

Einhversstaðar heyrði ég að lífeyrissjóðirnir myndu fjármagna hátækniundrið.Þeir geta ekki fjármagnað krónur sínar nema innanlands,það væri svo almenningur sem eftir allt borgaði.Keldnaholt sýnist mér upplagður staður,en var fyrr með Vífilstaði í huga.

[Kolbrún Hilmars, 21.9.2012 kl. 13:48]

Takk Helga.   Vonandi fer ekki restin af lífeyrissjóðsinneign okkar gamlingjanna í þetta ævintýri 

[Jón Óskarsson, 22.9.2012 kl. 08:07]

Höfðinn eða Keldnaholtið eru bestu staðirnir.  Í höfðahverfinu má náttúrulega ekki setja þetta alveg niður á sjávarbakk, en nóg rými er upp á höfðanum á öruggum stað þar sem sem í dag eru nokkrar bílasölur sem hafa má hvar sem er.   Aðkoman að þessu svæðum liggur vel að helstu samgönguæðum og bráðatilfelli lengra að koma gjarna með þyrlu þannig að flugvöllurinn sem slíkur skiptir ekki máli og alls ekki að vera ráðandi atriði í staðarvali.   Fyrir fólk almennt á höfuðborgarsvæðinu tekur í dag mun styttri tíma auk minni hættu á umferðarhnútur að fara að gamla Borgarspítalanum en Landspítalanum við Hringbraut.  Ég þekki dæmi þess að það skipti sköpum varðandi líf og dauða að komast að Borgarspítala en við komandi hefði ekki náð á landsspítalann við Hringbraut

[Kolbrún Hilmars, 22.9.2012 kl. 11:30]

Takk fyrir þetta, Jón.   Teikningar Snorra á Höfðanum  gera ráð fyrir spítalasvæðinu vestast og nyrst  (þar sem fæstar byggingar eru  fyrir og landið lægst)  og jafnvel á sjávaruppfyllingu.  Hærra og austar kostar gífurlegt niðurrif og uppkaup á húseignum, sem myndu óhjákvæmilega hækka  tilkostnaðinn verulega.  Þar er í dag fjölbreyttur og blómlegur atvinnurekstur.

Á Keldnaholti eru nokkrar byggingar RALA en að öðru leyti er holtið óbyggt.