Nubomál

Nú er Nubo kominn aftur í umræðuna.  Innanríkisráðherrann reynir að verjast þrýstingi sveitarstjórna norðaustan.  Eflaust ekki að ástæðulausu, enda stefnir í að 40 ára leigan verði 80 ára leigan.

Á núgildandi verðlagi er landleigan aðeins 24,8 milljónir á ári.   Svipað og íslenskt meðalfyrirtæki á góðum stað í höfuðborginni greiðir í dag.

Fréttablað dagsins fjallar um fjárfestingaráætlanir Nubos á Fjöllum á bls 4;  lúxushótel, golfvöllur, hestaferðir, fjallgöngur, svifdrekaflug, alvöruflugvöllur og 100  einbýlishús.   Þar er að vísu ekki minnst á sundlaugar, heita potta, tennisvelli og fleira góðgæti.  

En smáa letrið í fréttinni hefur sennilega enginn lesið nema innanríkisráðherrann:

"Huang kveðst vonast til þess að sala á einbýlishúsunum, að mestu til ríkra Kínverja, muni nægja til þess að greiða upp verkefnið".  

Það er nefnilega það!

Athugasemdir

[Kristján B Kristinsson (IP-tala skráð) 18.7.2012 kl. 20:22]

Ég er hræddur um það Kolbrún að það muni nú renna tvær grímum á þetta lið ef það fengi að upplifa veðráttuna þarna upp frá að vetrarlagi.

[Ásthildur Cesil Þórðardóttir, 18.7.2012 kl. 21:24]

Já Kolbrún ég er ansi hrædd um að það þurfi eitthvað meira en bara kínverjann Núpó og jafnvel alræðisstjórnina þar til að hægt sé að selja kínverskum auðkífingum lúxusvillur í hundraðavís.  Eða erum við algjörlega heillum horfinn?

[Helga Kristjánsdóttir, 18.7.2012 kl. 22:06]

Það er alltaf einhver ,,gul,, lygi í þessum samningum.

[Kolbrún Hilmars, 18.7.2012 kl. 22:50]

Eins og Helga segir þá er eitthvað "gult" við þennan samning. :)

Held reyndar, Kristján, að veðráttan sé ekki frágangssök, það viðrar nú ekki alltaf vel í Kína. Að auki eru auðkýfingar vel hreyfanlegir.

Ásthildur, norðanmenn eru að selja sig ódýrt. Þeir eru bara ekki búnir að fatta það ennþá.

[Sigurður Alfreð Herlufsen, 18.7.2012 kl. 23:09]

Þetta mál er miklu stærra en svo að sveitarstjórn geti samið um málið frá byrjun til enda.

Ég trúi því ekki að Ögmundur láti þetta yfir sig ganga og aðrir sjálfstæðir Íslendingar.

Alltof stórt mál til að það fari fram undir borðum og menn standi svo frammi fyrir gerðum hlut.

[Ásthildur Cesil Þórðardóttir, 19.7.2012 kl. 01:25]

Já einmitt Kolbrún og ætla þeir að standa frammi fyrir orðnum hlut þegar allt er komið í hönk? Ekki vildi ég vera í þeirra sporum þá.

[Kolbrún Hilmars, 19.7.2012 kl. 14:46]

Sigurður, það er alveg rétt hjá þér að þetta mál ætlar að verða enn stærra gróðafyrirtæki fyrir leigjandann en áður hefur verið nefnt. Miðað við umfangið er alveg ótrúlegt að pólitíkusar einir eigi að semja fyrir hönd íslenskra aðila. Þeir eru ekki beinlínis þekktir fyrir viðskiptavit.

Svo líst mér ekki á þetta nýtilnefnda leigutímabil - 80 ár. Það getur ýmislegt breyst á þeim tíma!