Glittir í hinn hugrakka nýja heim Huxleys?

Þar sem konur eru lausar við ábyrgðina og ríkisvaldið sér um að unga út nýjum þjóðfélagsþegnum í sérhönnuðum barnaverksmiðjum?

Huxley gleymdi alveg að minnast á orsakirnar, en ef til vill sá hann fyrir að kvenþjóðinni yrði á einhverjum tíma ofboðið. Verður fermingargjöfin árið 2020 ófrjósemisaðgerð?

Ákærð fyrir morð eftir sjálfsmorðstilraun

Athugasemdir

[Libertad, 16.4.2011 kl. 17:02]

Fóstureyðingar eru morð.

[Kolbrún Hilmars, 16.4.2011 kl. 17:27]

Libertad, ég er ekki hlynnt fóstureyðingum sem getnaðarvörn. En það þarf tvo til þess að búa til barn. Enn sem komið er.

[Libertad, 16.4.2011 kl. 20:15]

Já, það er satt. En fóstureyðingar á færibandi er einmitt notað sem eins konar getnaðarvörn. Ég ætla í næstu viku að skrifa færslu um þetta, þar sem ég mun gagnrýna frjálsar fóstureyðingar og sýna kort með tölfræðilegum upplýsingum auk mynda, sem eru sannarlega niðurdrepandi. En þessi mál eru flókin og ábyrgðin liggur hjá mörgum, bæði hjá hinu opinbera, hjá fóstureyðingastofum og hjá aðilum sem banna getnaðarvarnir.

Ég held að flestir vilji ekki vita af svona málum eða hvernig fósturmorðin eru framkvæmd. Flestir vilja líka gleyma helförinni, því að minningarnar eru óþægilegar. En það er engin ástæða til að þegja um böl fóstureyðinga ekki frekar en helförina eða aðrar útrýmingar á saklausum. Og það er ekkert saklausara en barn í móðurkviði.

[Kolbrún Hilmars, 16.4.2011 kl. 22:25]

Libertad, ég vona að færslan þín fari ekki fram hjá mér. Ég er nægilega vel að mér í líffræði til þess að gera mér grein fyrir því að fóstureyðingar eru miður geðslegar.

Hitt er svo annað, sem mér mislíkar líka, að öll ábyrgðin er lögð á herðar konunum þótt þær eigi aðeins hálfan hlut að málinu. Ef karlarnir yrðu gerðir ábyrgir að jöfnu mætti hugsanlega fækka bæði ótímabærum/óvelkomnum barneignum og fóstureyðingum.

En öll þessi mál eru flókin, eins og þú segir réttilega.

[Libertad, 16.4.2011 kl. 22:44]

Það er rétt, að ábyrgðin hvað varðar getnarvarnir liggur líka hjá föðurnum. En hefurðu ekki heyrt um tilfelli þar sem faðirinn vill stofna fjölskyldu og er á móti eyðingunni, en móðirin geri það samt? Það eru ekki allir karlmenn sem bara barna konur og hlaupast síðan á brott. Og það vill enginn snúa aftur til þess tíma þegar allt kynlíf var bannað fyrir brúðkaupið.

[Kolbrún Hilmars, 17.4.2011 kl. 16:19]

Það er hluti af vandanum að það er ómögulegt að hemja mannlegt eðli. Fína fólkið á Viktoríutímabilinu reyndi það og tókst þokkalega innan síns hóps en á meðan hafði allur almúginn sína hentisemi.

Mig minnir að ég hafi einhvern tíma séð tölur sem gáfu til kynna að giftar konur létu ekki síður eyða fóstri en hinar einhleypu. Þar með fylgdi að meirihluti þeirra væru fullorðnar margra barna mæður, sem héldu að þær væru komnar úr barneign.

Algengast er samt að konurnar sitji uppi með ábyrgðina, hverju eða hverjum sem er svo um að kenna. Í síðustu viku voru t.d. birtar tölur um einstæða foreldra á Íslandi; tæp ellefu þúsund með uþb fjórtán þúsund börn á framfæri. Einstæðir feður eru þar að vísu meðtaldir - sem eru þó aðeins örlítið brot af heildinni.