Viðskiptaþvinganir

Hvað eiga hollensk yfirvöld við þegar þau vilja setja viðskiptaþvinganir á Ísland? 

Þýðir það að við fáum ekki lengur að kaupa blómin þeirra, grænmetið og vélarnar sem við flytjum inn frá Hollandi? 

Þýðir það að íslensk vöruflutningaskip fái ekki lengur að umskipa í Rotterdam og þurfi því að sigla "alla leið" til Antwerpen?

Eiga hollenskir að hætta að kaupa vörur frá Íslandi?   Hvaða vörur?

Eða er þessi viðskipta-þvingana-hótun bitlaus?

Athugasemdir

[Eyþór Örn Óskarsson, 12.4.2011 kl. 19:45]

Ég þori ekki að fullyrða um bit eða bitleysi viðskiptaþvingana hollendinga, en hitt veit ég að við erum að kaupa ýmislegt frá þem td. ávexdi og matvöru - ég hef ekki trú á að þeir stoppi það af (þá myndu þeir ekki græða á okkur), eins er töluvert af Hollenskum ferðamönnum sem koma hingað til lands og ferðast um og ég get ekki séð þarlend yfirvöld geta dregið neitt úr því - ég hef verið töluvert í akstri með þessa ferðamenn um landið og hef kynnst þeim mörgum og get fullyrt að það sem við erum að heyra frá hollenskum yfirvöldum, á ekki við um Hollenskan almenning.

Hvað hótun um að þvælast fyrir umsókn okkar í ESB, þá vil ég bara þakka þeim fyrir liðveisluna................

[Kolbrún Hilmars, 12.4.2011 kl. 20:34]

Sammála þér, Eyþór, hvað varðar hollenskan almenning. Að ég nú ekki minnist á ESB málið :)

En ég er enn að velta fyrir mér þessu með viðskiptajöfnuðinn. Hér eru allir stórmarkaðir með hillurnar fullar af hollensku grænmeti og mér er kunnugt um við flytjum líka inn töluvert af iðnaðar- og tæknivörum frá Hollandi. Hvað kaupa hollenskir af okkur sem kæmi okkur illa að væri lokað á?

[Ragnhildur Kolka, 12.4.2011 kl. 20:46]

Ég held þetta sé bara í nösunum á einhverjum vara-vara embættismönnum. Var stödd í Hollandi þegar Icesave II var fellt og þótt allir fjölmiðlar hér væru fullir af hótunum frá Hollandsstjórn, þá hitti ég engan sem virtist kæra sig kollóttann. Reyndar virtist enginn hafa heyrt af Icesave.

Gæti trúað að sama sé upp á teningnum núna.

[Eyþór Örn Óskarsson, 12.4.2011 kl. 21:12]

hæ aftur - ég fór og gúgglaði viðskipt við Holland og fann þetta:

http://brunnur.stjr.is/interpro/utanr/vur.nsf/pages/wpp316.html

 þar að auki skilst mér að Holland sé mikilvægt á sviði fiskmarkaða en hvort það kemur okkur eitthvað við þori ég ekki að fullyrða...............

[Ragnar Einarsson, 13.4.2011 kl. 02:15]

Á eftir að sakna túlipanana,,,,spurning getum áfram farið út að reykja?

[Kolbrún Hilmars, 13.4.2011 kl. 13:14]

Þakka ykkur fyrir innleggin 

Takk Eyþór fyrir tengilinn.  Las þetta og ekki skemmdi að tölurnar þar miðast við árið 2000, eða löngu fyrir "búmmið".  Miðað við þessa 11 fyrstu mánuði árið 2000 er viðskiptajöfnuður okkar við Holland óhagstæður um 3,6 milljarða. 

Svo er líka að sjá að hollenskir kaupi helst af okkur ál og kísil (fyrir utan fisk) - ætli þeir megi við því að missa þetta hráefni?