Víkja fyrir hverjum?

Sitja þessir stjórnvaldsfulltrúar ekki í bankaráðunum til þess að gæta hagsmuna ríkissjóðs vegna þess að ríkissjóður á hlut í bönkunum?

Það má vel vera að fulltrúar forsætisráðherrans hafi brugðist henni í þessu launamáli, en hún hefur reynt á eigin skinni að frekjan dugir ekki þegar meirihlutinn er á öðru máli.

Það verður fróðlegt að sjá hverjir veljast fyrir hönd ríkisins í stað þeirra fráviknu. Ef nokkrir.

Fulltrúar ríkisins víki úr bankaráðum

Athugasemdir

[Birgir Guðjónsson (IP-tala skráð) 19.3.2011 kl. 19:24]

Einsog annað sem þessi stjórn þykist vera að gera, þá er þetta enn eitt klúðrið.

Hvenær lýkur þessari vitleysu Jóhanna ?

[Eyþór Örn Óskarsson, 19.3.2011 kl. 19:54]

Sæl Kolbrún - ég verð að segja að mér finnst þetta rétt hjá forsetisráðherra og vísa þá til þess að þessar launahækkanir voru langt út úr korti, þar sem stefna ríkisstjórnarinnar er að stemma stigu við ofurlaunum, finnst mér rétt að ætlast til að fulltrúar hennar í bankaráðum umræddra banka fylgi þeirri stefnu og að mínu mati hvíldi sú skylda á herðum þeirra að greiða atkvæði á móti hækkun - ekki að sitja hjá eða greiða atkvæði með..............

Ef fulltrúar geta ekki fylgt stefnu stjórnvalda í þessu máli, á að setja þá af og setja aðra inn sem hafa bein í nefinu.............

kær kveðja...........

[Kolbrún Hilmars, 19.3.2011 kl. 20:28]

Birgir, rétt - þetta er enn eitt klúðrið og nú þykir mér þetta orðið gott!

Eyþór, ég sé ekki að þessi atkvæðagreiðsla eins fulltrúa skipti nokkru máli með niðurstöðuna, hvort setið er hjá, sagt nei eða já við tillögunni. Jafnvel þótt þeim hefði verið uppálögð eitthver ákveðin afstaða í upphafi - sem greinilega var ekki gert.

Það sem ég set út á  er það, að viðkomandi fulltrúar sitja í bankaráðunum á vegum ríkisstjórnarinnar og  ríkisstjórnin ber ábyrgð á sínu fólki. Hvorki meira né minna.

[Eyþór Örn Óskarsson, 19.3.2011 kl. 21:14]

alveg rétt, þessi atkvæðagreiðsla fulltrúanna skipti kanski ekki máli varðandi niðurstöðuna, en ef ég hefði verið þarna sem fulltrú ríkisstjórnar sem hafði gefið út umr. stefnu, hefði ég litið svo á að mér bæri að fylgja henni en ekki tekið upp hjá sjálfum mér að greiða atkvæði á móti - mér hefði þótt það heiðarlegra...........

[Anna Sigríður Guðmundsdóttir, 20.3.2011 kl. 00:25]

 Ögmundur Jónasson sagði nýlega að við hefðum verið rænd og sannari orð eru ekki til um þessi bankamál.

 Það er ekki vitglóra í að moka endalaust peningum í bankagræningja-hítina. Birtingarmynd gömlu rótgrónu siðblindunnar birtist í hnotskurn í þessu ofurlaunamáli. Siðblindunnar sem búið er að skrifa mörg bindi af rannsóknarskýrslu um. Og þó streyma peningarnir enn hindrunarlaust úr landinu og í skattaskjól, á meðan skilanefndar-moppur og aðrir embættis-þveglar mafíunnar hagræða tölum og stjórna fréttaflutningi og öðru hér á landi. Vilhjálmur Egilsson (sem er siðblindastur allra) fullyrðir á sama tíma að það sjái það hver maður að ekki sé hægt að borga fólki á almennum vinnumarkaði mannsæmandi laun? Hvergi í veröldinni þekkjast svona vinnubrögð hjá "lýðræðisríki" nema á Íslandi.

 það er auðvelt að kenna Jóhönnu um allt sem illa gengur, þegar ekki er farið eftir þeim fyrirmælum sem gefin eru, og það hefur frá byrjun verið markmið svikaranna að sverta ríkisstjórnina sem mest til að ná völdum í alþingishúsinu aftur. Ástæðan fyrir að hér hefur allt staðnað er að gömlu spillingar-illgresis-ræturnar eru enn í bönkunum, lífeyrissjóðunum, LÍÚ og hæstarétti eins og fyrir hrun. Það hlýtur hver að sjá sem hugsar rökrétt og lætur ekki áróðurs-takkavélar pólitísks áróðurs m.a. ríkisfjölmiðla og einhliða áróður sumra dagblaða hafa áhrif á sig.

 Hvernig í ósköpunum er hægt að horfa framhjá þessari augljósu staðreynd? Hvað fær fólk borgað fyrir þennan lyga-áróður og/eða hvers vegna sér fólk þetta ekki? Af tvennu illu er blindan heiðarlegri og fyrirgefanlegri en vísvitandi mútulyga-áróðurinn til að ná fram vilja "sinnar" ræningja-stofnunar!

 Bendi svo á vefsíðuna: fiski.com. Þar er hægt að sjá smávegis af sönnum fréttum svona til tilbreytingar í ríkis-fjölmiðlalausa landinu Íslandi, og velta svo fyrir sér siðferðis-brenglun lyga-áróðurs-fjölmiðlanna í dag! Þetta getur ekki orðið verra, eða hvað?

 M.b.kv. 

[Kolbrún Hilmars, 20.3.2011 kl. 11:14]

Takk fyrir innleggið, Anna. Það er alveg rétt hjá þér að það þarf víða að taka til í kerfinu. En þessir tveir bankar eru nú komnir utan seilingar, því kröfuhafar (erlendir, er okkur sagt) ráða þar öllu og vilji þeir takmarka gróða sinn með hálaunagreiðslum fær ríkisvaldið engu um breytt. Að halda öðru fram er sýndarmennska.