Skilyrðið sem vantar er biðlund

Ég skal taka að mér að greiða þetta smáræði. Ef ég verð dugleg get ég mögulega kraflað saman 4 milljónir í tekjur á ári, en ég áskil mér þá skatt- og framfærslufrelsi á meðan.

Það hefur verið áætlað að Icesave"skuldin" sé um 800 milljarðar (áttahundruðþúsundmilljónir00/100). Þannig sé ég mér fært að greiða skuldina á 200.000 (tvöhundruðþúsund) árum.

Biðlund og þolinmæði, takk!

Steingrímur: Íslendingar munu borga

Athugasemdir

[Ólafur Ingi Hrólfsson, 18.9.2010 kl. 21:38]

Var ekki verið að segja um daginn að bankinn virðist eiga fyrir þessu?

[Kolbrún Hilmars, 18.9.2010 kl. 22:03]

Það minnir mig, en greinilega hefur fjármálaráðherrann ekki trú á því.

[Brynja (IP-tala skráð) 19.9.2010 kl. 01:29]

Þráhyggjan er að sliga Steingrím að við munum borga á endanum, með góðu eða illu !!

[Kolbrún Hilmars, 19.9.2010 kl. 13:04]

Hrædd um það. Það sem verra er að þeir varkáru íslendingar, sem gátu sagt með stolti að þeir tækju ekki þátt í áhættufjárfestingum og skyndigróðabrölti, verða nú nauðugir þátttakendur í ósómanum.