Athyglisvert

Að öllu jöfnu er ekki ósanngjarnt að ætlast til þess að gögnin liggi á borðinu í upphafi eða þegar slík tilmæli eru gefin.
Því er nærtækt að álíta að nú sé allt á fullu hjá viðkomandi stofnunum til þess að skapa gögnin.
Ætli svona vinnubrögð séu dæmigerð í stjórnsýslunni?

Umboðsmaður veitir frest

Athugasemdir

[Stefan Stefansson (IP-tala skráð) 20.7.2010 kl. 15:36]

Ætli theim verdi ekki svarAVANT ?

[Ragnhildur Kolka, 20.7.2010 kl. 16:50]

Þú ert líklega með puttann á púlsinum þarna, Kolbrún.

Þrátt fyrir allar sínar yfirlýsingar um gegnsæi er ótrúlega margt sem lendir í svartholi þessarar ríkisstjórnar. Engin gögn og samþáttaðar lygar ráðuneyta, FME og SÍ eru sérsvið sem vert er að skoða.

Þetta kemur vel fram í grein eftir Björn Jón Birgisson í nýjasta hefti Þjóðmála, en hann fór ofan í vinnubrögðin sem nú eru ástunduð í ráðuneytunum, þegar hann reyndi að kynna sér yfirtöku FME á fjárfestingabankanum Straumi. Þó tóku þessir aðilar sér viku í verkið og virðist sem eina ástæða fyrir yfirtökunni hafi verið að ekki mátti gera Björgólfi Thor neinn greiða.

[Kolbrún Hilmars, 20.7.2010 kl. 19:07]

Ég er því miður haldin ósk- eða þráhyggju um að stjórnsýslan eigi að vera laus við hringlanda í starfi sínu. Eins konar "YES, minister" fyrirkomulag. Ráðherrar koma og fara en ráðuneytin eru (eða ættu að vera!) skipuð fagfólki, oft æviráðnu, sem ekki eiga að láta pólitískar skyndihugdettur rugla sig í ríminu.

En það má vel vera að í framtíðinni gæfist betur að hreinsa ráðuneytin og allar aðrar stjórnsýslustofnanir af mannafla við hver stjórnarskipti. Hreint ekki víst að það verði verra fyrirkomulag en hið núverandi ef hringlandinn er allsráðandi.

Við nánari umhugsun; líklega miklu betra!