Enn ein sönnun þess að ESB aðild leysir engan vanda

Írar eru aðildarþjóð í ESB, með Evru og eins og fréttin lýsir þurftu að þola næstum því jafnslæma útreið og íslendingar í hruninu.

Og hvað segja írskir nú? Einmitt - þeir líta til Íslands-utanveltu um lausnir!

Írar læra af Íslendingum

Athugasemdir

[Ómar Bjarki Kristjánsson, 18.7.2010 kl. 17:08]

Hvernig lýsir fréttin að írar hafi mótta þola  ,,næstum því jafnslæma útreið og íslendingar"?

Vandamál ira eru allt annars eðlis og þeir eru í miklu, mikli betri stöðu vegna esb.

Þetta vita nú allir.

[Kolbrún Hilmars, 18.7.2010 kl. 17:19]

Ómar, önnur málsgreinin í fréttinni segir svo. Sem er í samræmi við viðskiptafréttir síðustu ára. Írar eiga jú einn stafinn í PIIGS.

[Bjarni (IP-tala skráð) 18.7.2010 kl. 18:59]

Þetta er jú frétt í MBL, en Davíð ritstjóri er jú þekktur andstæðingur aðildarviðræðna við ESB. Davíð hefur margoft tjáð sínar skoðanir í leiðara MBL og öðrum fjölmiðlum. Það er ekkert nýtt að hann er harður andstæðingur ESB, en hann var jú duglegur við segja sem forsætisráðherra "að hagsmunum Íslands væri best borgið utan ESB". Í ljósi þessa þá er varla hægt að búast við hlutdrægni í umræðu morgunblaðsins um ESB. Persónulega þá sakna ég Styrmis, en þrátt fyrir svipaðar skoðanir á ESB og Davíð, þá fjallaði mogginn í það minnsta tiltölulega hlutslaust um ESB.

[Bjöggi (IP-tala skráð) 18.7.2010 kl. 19:12]

Já,kannski getum við litið til Íra þegar kemur að því að vinna sig upp úr kreppu, en efnhagslífið þar hefur tekið mikið við sér undanfarið og hagvöxtur á Írlandi á síðata ársfjórðungi var 2,5%, og þeir eru með evru og í evrópusambandinu. Reyndar vilja Írar meina að aðild þeirra að Evrópusambandinu hafi hjálpað þeim mikið.

[Kolbrún Hilmars, 18.7.2010 kl. 20:01]

Bjarni, ég er andstæðingur ESB aðildar og þarf ekki endilega að veifa nöfnum þeirra sem eru á sama máli.

En það þýðir ekki að ég afneiti heilsusamlegum afskiptum ESB þegar aðildarríki þess eiga í vandræðum. Reyndar fylgist ég með þeim afskiptum af miklum áhuga. Grikklandsmálin verða prófsteinn.

Get svo ekki stillt mig um að skjóta því að, að ítalska mafían blífur enn þrátt fyrir ESB aðild. Sem er í sjálfu sér eitt sönnunargagnið enn um að ESB snýst ekki um einhvern sparðatíning um siðferði og spillingu.

[Bjarni (IP-tala skráð) 19.7.2010 kl. 05:31]

Kolbrún, ert þú að ýja að því með máli þínu um Ítölsku mafíuna, að ef við myndum ganga í ESB þá myndum við ekki losna við íslensku fjármála- og útgerða-mafíuna og lélega pólitíkusa?

[Kolbrún Hilmars, 19.7.2010 kl. 11:12]

Rétt Bjarni. Við þurfum sjálf að sjá um svoleiðis hreingerningar hvort sem innan eða utan ESB væri.

[Kolbrún Hilmars, 19.7.2010 kl. 18:01]

Síðbúið svar til Bjögga, sem ég held að hafi áður heimsótt síðuna mína

"Alþjóðlega matsfyrirtækið Moody's lækkaði í morgun lánshæfiseinkunn írska ríkisins úr Aa1 í Aa2. Ástæðurnar eru einkum miklar opinberar skuldir Írlands og minnkandi líkur á umtalsverðum hagvexti. Einnig séu miklir veikleikar í bankakerfi landsins."

Þessi fréttaúrklippa er frá því í morgun.  Veikleikana í bankakerfi írskra þekkja allir sem fylgdust með athafnasemi írsku bankanna í UK báðum megin við hrun.