Vandamálið er meðferð tóbaks - ekki áfengis.

Þegar veitingastöðum var gert að úthýsa reykingafólki fluttist partíið út á götu - að hluta til.

"Vaxandi ónæði af skemmtistöðum" stafar ekki af þeirra innanhúss starfsemi - sem hefur lítið breyst í áranna rás. En auðvitað má (í tilraunaskyni?) stíga skrefið til fulls og banna líka áfengisneyslu inni á skemmtistöðunum.

Þá fyrst verður hægt að tala um almennilegt gangstéttarfjör!

Þorleifur segir sig úr nefnd

Athugasemdir

[Sigurður Þórðarson, 22.5.2010 kl. 18:50]

Ég tek í nefið einu sinni á ári þegar mig langar að hnerra rækilega og þar með er upptalin öll mín tóbaksnotkun.  Mér finnst samt, eða þess vegna, rúmlega sjálfsagt að reykingamenn fái að reykja ef veitingamenn leyfa það.

Viljum við  hafa fólk á þingi sem stjórnar okkur eins og börnum?

[Kolbrún Hilmars, 22.5.2010 kl. 19:44]

Sigurður, væntingar mínar til núverandi þingliðs eru slíkar að af einskærum kvikindisskap bíð ég spennt eftir tilskipun um bleikt og blátt fyrir alla aldurshópa...

[(IP-tala skráð) 22.5.2010 kl. 22:52]

Hahahah þið eruð nú bara frábær. En Kolla þú ert svo nákvæmlega með þetta því þarna liggur einmitt hundurinn grafinn.

[Kolbrún Hilmars, 23.5.2010 kl. 15:37]

Ætli hundurinn hafi ekki grafist undir forræðishyggjunni?

Sumum liggur svo mikið á að "betra" mannlífið að þeir hugsa ekki dæmið til enda.

[Kolbrún Hilmars, 23.5.2010 kl. 16:23]

PS. Í þessu samhengi er gagnlegt að gera tilraun á lygnum polli. Prófa að kasta steini í hann miðjan og fylgjast með því hvernig hann gárast - utar og utar. Eftir því sem pollurinn er minni þeim mun meiri áhrifum veldur steinkastið.