Alveg með ólíkindum

hvað gáfnafari þjóðarinnar hefur hrakað á aðeins sjö árum.

Við verðum áreiðanlega ESB tæk fyrr en bestu ESB sinnar þorðu að vona.

Ekki of flókið árið 2003

Athugasemdir

[Högni Jóhann Sigurjónsson, 17.1.2010 kl. 19:16]

Nákvæmlega og Steingrímur Joð embættismaður í Brussel.

[btg (IP-tala skráð) 17.1.2010 kl. 19:53]

bara ef það...

bara ef það hentar...

bara ef það hentar mér...

þvílíkur "settu eigið orð inn, sem þér finnst passa"

[Kolbrún Hilmars, 17.1.2010 kl. 19:58]

btg, set hér með inn orð sem "pössuðu" SJ árið 2003:

 “Menn geta alveg eins haft ónefnd orð um gáfnafar þjóðarinnar, og það ætla ég a.m.k. ekki að gera.” 

Högni - maðurinn verður aldrei embættismaður í Brussel!  Hérlendur tollheimtumaður ESB?  Ef til vill...

[Högni Jóhann Sigurjónsson, 17.1.2010 kl. 20:13]

Hugsannlega, ekki ólíklegt miðað við aðrar kúvendingar.

[Heiðar S. Heiðarsson (IP-tala skráð) 17.1.2010 kl. 21:13]

Veriði ekki svona vitlaus!

Gaman að sjá bláa blaðið fjalla um svona. Steingrímur hefur alltaf sagt að sum mál eigi að fara í þjóðaratkvæði en önnur einfaldlega henta ekki. Hlutir eins og fjárlög og skattamál henta ekki í atkvæðagreiðslu útaf tvem hlutum. Númer eitt að það vill enginn skera niður eða borga hærri skatta en samt er þetta bráðnauðsynlegt skref. Hin ástæðan er að það er enginn endir þegar sagt er nei heldur þarf að finna nýja lausn. Icesave fellur 100% inn í þetta. Tengist ekkert hvort það sé flókið eða ekki.

Þjóðaratkvæði á að vera um hluti sem hægt er að segja nei og þá er bara nei en ekki bara einhver ný staða sem enginn veit hver er. Dæmi um það er t.d. einkavæðing símans. Það hefði fallið svo vel að þjóðaratkvæði.. Þjóðin hefði getað valið já gefum okkar eign til auðmanna eða nei höldum okkar eigin símafyrirtæki. Sama má segja um kárahnjúka. Já byggjum risaálver og eyðum tvem miljónum fyrir hvert starf eða segjum við nei gerum þetta ekki. ESB fellur mjög vel að þjóðaratkvæði. Já fara í ESB eða nei hætta við og þá er það afgreitt.

[Högni Jóhann Sigurjónsson, 17.1.2010 kl. 21:37]

Vertu ekki svona sár Heiðar, kallinn er gunga sem snýst í hringi eftir snúningsátt yndriðanum hennar Jóhönnu sem hann er með uppí......................

En í þeim tilfellum sem þú nefnir hefði verið spurt viljum við atvinnu eða ekki og viljum við byggja sjúkrahús fyrir peninga sem liggja bundnir í símanum, pólitíkusar kunna að orða hlutina við þurfum ekki að hafa áhyggjur af því.

Icesave er bara alls ekkert of flókið fyrir þjóðaratkvæðagreiðslu.

[Heiðar S. Heiðarsson (IP-tala skráð) 17.1.2010 kl. 22:12]

Ég er ekki sár Högni heldur bara tek ekki hluti úr samhengi ólíkt Davíd Oddsyni og blaði hans. Ef það hefur verið einhver maður á þingi sem staðið hefur fast við sína hluti í gegnum árin þá er það Steingrímur J. Sigfússon. Þannig er það bara.

Viljum við atvinnu eða ekki er líka ómögulegt í þjóðaratkvæði því alir vilja atvinnu og segja já er ekki nóg því það þarf að finna úrlausnina á því. Sama má segja með spítalann og þessi dæmi sem þú nefnir. Þjóðaratkvæði á að vera fyrir þjóðina að velja eitthvað af eða á. Það á ekki að liggja nokkur vafi eftir þjóðaratkvæðagreiðsluna. Ef að liggur vafi þá er hún ómarktæk og fjórðungi úr milljarði hent útum gluggan.

Það sem Íslendingar hafa séð er einn flokk við völd meðan hinn flokkurinn eltir eins og hundur eltir skottið sitt.. Framsókn kom engu áfram. Bændaflokkurinn varð harðsvíraður einkavæðingarflokkur sem barðist harðar en allir að eyðileggja beitilendi, hverasvæði, fuglalíf og íslenska náttúru. Enginn sagði múkk þá. Núna erum við loksins að sjá eðlilega stjórn þar sem báðir flokkar þurfa að gefa eftir. Vaðlaheiðargöng Kristjáns Möller virðast detta út, álverið á bakka virðist vera detta út, skoðað er betur álversframkvæmdir á öðrum stöðum, nýsköpun er efld mun meira en samfylking vildi, skattar hækkaðir mun meira en samfylkingin vildi og svo framvegis. Það er ekki hægt að fara eftir tvem stefnum þegar þær eru ósammála um marga hluti. Það verður að fórna sumu fyrir annað. Þannig virkar þetta.

Icesave er langt frá því að vera flókið mál en ef við segjum nei þá verður óvissa.. Þá byrja flokkarnir að berjast um hvort semja eigi aftur, hverjir eiga að semja, á að fá erlenda óháða aðila, hverjir eru óháðir eða á að fara þessa dómstólaleið sem er nánast útur myndinn? Þessar spurningar vakna strax upp og þá verður þessi óvissa sem ég talaði um sem gerir þetta að ómarktækri atkvæðagreiðslu.

Svo vil ég benda á að Sjálfstæðisflokkurinn og Framsókn sögðu að þjóðaratkvæði ættu aldrei að sjást því að það væri nóg að halda einar kosningar og þá væri vald þjóðarinnar bundið í meirihluta 63. þingmanna. Þetta er viðsnúningurinn en Steingrímur er samkvæmur sjálfum sér!

[Magnús Sigurðsson, 17.1.2010 kl. 23:04]

Sænski blaðamaðurinn oftúlar Steingrímur sem hefur náttúrulega alltaf rétt fyrir sér og ekkert á móti þjóðaratkvæðagreiðslum.  

Hann hefur bara á móti því að svarmöguleikarnir séu fleiri en einn.  2003 hefði bara verið Nei á atkvæðaseðlinum, hjá félaga Steingrími, nú á það bara að vera Já.  Annað flækir málið.

[Högni Jóhann Sigurjónsson, 18.1.2010 kl. 00:38]

Ég er sammála því sem þú ert að segja Heiðar og ég ætla að taka til baka að kallinn sé gunga, nema viðsnúningurinn er alger hjá Steingrími því að hann er búinn að kengbeygja VG fólk algerlega í afstöðu til mála eins og ESB og Icesave sem eru nú bara þónokkuð stór mál og svo er ég ansi hræddur um að þú sért ekki að lesa iðnaðarráherra rétt, hún er nú aldeilis ekki hætt við nein álver eða fleiri virkjanir, svo við skulum sjá hve viðsnúningurinn verður mikill áður en yfir líkur.

Ég er líka ansi hræddur um að VG liðar hebbðu nú haft einhver lýsingarorð á harðbergi yfir það hvað það héti ef að formaður Sjálfstæðisflokksins hefði skipað sjálfstæðismönnum bara sí sonna að sýna samstöðu og kjósa eins og hann seggði þeim að gjöra, þvert gegn sannfæringu sinni.

Mér sýnist VG vera að verða annsi flókið fyrirbæri.

[Heiðar S. Heiðarsson (IP-tala skráð) 18.1.2010 kl. 13:06]

Viðsnúningurinn er enginn. Vinstri græn berjast gegn aðild að ESB og Steingrímur þar með talinn. Ég var á landsfundi VG fyrir um ári síðan og þar var lokaniðurstaðan; Ísland á að vera utan ESB en við viljum leiða þetta á lyðræðislegan máta. Þ.e.a.s. við ætlum að sækja um sjá hvað gerist og segja nei.

Samfylkingin hefur þurft að gefa fullt af málefnum, fleiri en eitt og fleiri en tvö. Þetta snýst um að þurfa gefa frá sér málefni fyrir önnur.

Steingrímur hefur ekki sagt við flokksmenn að kjósa gegn sinni sannfæringu. Hann benti bara Ásmundi Daða á að það væri komin upp skrítin staða myndi hann leggja fram frumvarp með aðilum úr stjórnarandstöðu en hann mætti kjósa að vild um þetta frumvarp. Ási gerði það líka.

[Högni Jóhann Sigurjónsson, 18.1.2010 kl. 14:14]

Þú veist betur Heiðar, Samfylkingin hefur hvergi gefið eftir og mun ekki gefa eftir og það voru fleiri en Ásmundur sem beitt voru ofurliði bæði af Jóhönnu og Steingrími og það er skrýtin staða þegar tveir flokkar eru í ríkisstjórn, að annar flokkurinn samþykir allt sem hinn flokkurinn gerir og mun gera þó að allflest af því sé gegn ályktunum og stefnu, ég skil ekki kjósendur VG.

Hvað hefði Steingrímur verið búinn að öskra úr ræðustól alþingis, maður minn lifandi, ef að VG væri í stjórnarandstöðu.

[Heiðar S. Heiðarsson (IP-tala skráð) 18.1.2010 kl. 15:03]

Ég myndi ekki styðja stjórnina ef ég myndi ekki sjá málefni vg koma fram. Var samfylking með öllum þessum skattahækkunum? uuu nei? Gatnarmál samfylkingarinnar hafa failað mikið, umhverfisráðuneytið hefur stöðvað mikið iðnaðarráðuneytið svo maður taii nú ekki um kvótamálin þar sem stefna VG var tekin langt fram yfir stefnu Sf

[Kolbrún Hilmars, 18.1.2010 kl. 17:36]

Heiðar og Högni, þakka ykkur fyrir áhugaverða umræðu.  Ég hef fáu við að bæta nema tveimur atriðum vegna orða Heiðars.

Hið fyrra er að sum mál eigi ekki erindi í þjóðaratkvæðagreiðslu.
Því er ég ósammála, því öll mál - stór og smá - sem á annað borð koma fyrir Alþingi eru jafnframt mál þjóðarinnar. 

Hið síðara er þetta með að enginn hafi sagt múkk hér áður fyrr. 
Rangt!  Þau voru nefnilega mörg múkkin sögð við hin ýmsu tækifæri en vandamálið var að koma þeim á framfæri. 

[Högni Jóhann Sigurjónsson, 18.1.2010 kl. 19:27]

Nei Heiðar, iðnaðarráðuneytið hefur ekki stoppað neitt ennþá, það sem hefur stoppað iðnaðarráðherra er Alþingi annarsvegar og svo umhverfisráðherra hinnsvegar, vegamál Samfylkingar eru í ólestri vegna þess að Samgöngumálaráðherra ræður ekki við sitt verkefni ofaní að vera á hausnum og í kvótamálum hefur ekkert verið gert ennþá ekki nokkur skapaður hlutur, en varðandi skattahækkanirnar þá er það kolröng stefna.

Við erum auðvitað komnir langt útfyrir umræðuefni pistilsinns Kolbrún, en það er gaman að ræða við Heiðar því að þvert ofaní það sem ég hélt að hann væri að fara í upphafi þá eru engin leiðindi og bara gagn og gaman.

[Heiðar S. Heiðarsson (IP-tala skráð) 18.1.2010 kl. 19:40]

Eiga öll mál að fara í þjóðaratkvæði.. Afhverju eru þá 63 þingmenn? Afhverju fækkum við þeim ekki í 7, 5 eða 3? Jafnvel hafa bara einn alráð sem leggur fram hluti sem fólkið kýs um.. Ég veit ekki um þig en ég er ekki til í að skera niður í heilbrigðismálum vegna þess að það er þjóðaratkvæði um öll stór mál.

Þjóðaratkvæði er gríðarlega merkilegt og mikilvægt tæki sem stjórnvöld hafa í huga. Þau eiga ekki að tengjast stórum málum heldur málum sem varðar þjóðina. Mál sem varða ekki einungis 63 þingmenn og mál sem varðar ekki nokkrar milljónir manna.

Það er hlutverk Alþingis að leysa úr málum eins og milliríkjadeilum, skattamálum og niðurskurði svo dæmi séu tekin.

Eins og ég sagði hér fyrr eru góð dæmi um efni í þjóðaratkvæði eins og fjölmiðlalögin, einkavæðing bankanna og símans, kárahnjúkar og svo framvegis. Þar er þetta já eða nei og málið afgreitt, fer aldrei aftur á þing og lífið heldur áfram og næsta mál tekið fyrir. Ef við segjum já við icesave gerist þetta fyrrnefnda og málið afgreitt og engir eftirmálar nema væntanlega bara tuð í Sigmundi Davíð og Bjarna Ben. Hinsvegar ef við segjum nei sem virðist ætla stefna í þurfum við að fara með málið aftur á þing og ræða hvað skal vera gert. Nýjir samningar eða ekki borga jafnvel dómsmál er það sem mun velta á þingmönnum. Svo þegar nýr samningur verður gerður eigum við þá að eyða 250 milljónum að kjósa um hann? Eigum við að kjósa hvort eigi að fara með þetta í dómsmál eða eigum við að kjósa um hvort það eigi að borga eða ekki?

Þetta gerir atkvæðagreiðsluna ómarktæka því hún gefur aðeins eitt ásættanlegt svar sem við ákveðum að hlusta ekki á.

[Kolbrún Hilmars, 18.1.2010 kl. 20:20]

Högni, þetta var upphaflega enginn pistill, mér leiðist yfirleitt að prédika og er meira fyrir að "gefa upp boltann" ef málefnið er þess virði að komast í einhverja umræðu. Heppnaðist núna og mín er ánægjan :)

Heiðar, þú mistúlkar skoðun mína á þjóðaratkvæðagreiðslu. En stundum eru mál þess eðlis að það er varla verjandi að láta okkar kjörnu þingfulltrúa (ekki síst ef verulegur ágreiningur er)um að axla alla ábyrgð.

VIÐ almúginn berum nefnilega líka ábyrgð á okkar eigin lífi og samfélagi, og því má treysta að hvernig sem atkvæði falla, hvort sem er á þingi eða í þjóðaratkvæðagreiðslu, þá verðum það alltaf VIÐ sem þurfum að lokum að þola afleiðingarnar.

[Heiðar S. Heiðarsson (IP-tala skráð) 18.1.2010 kl. 20:36]

þingmenn stjórnarflokkanna þurfa líka að borga og þola sama niðurstkurð og sömu skattahækkanir og við hin. Skulum ekki gleyma því.

Svo vil ég benda á eitt sem Íslendingar virðast ekki skilja. Það er að það er eitthvað ótrúlegt ef menn skipta um skoðanir. Ég skipti um skoðanir margoft og skammast mín ekkert fyrir það. Ég þakka bara guði að ég sé ekki með sömu skoðanir og fyrir 7 árum og svo margir hlutir sem ég hef breytt um skoðun á. En ef stjórnmálamaður gerir það þá verður allt brjálað! Fáránlegt!

[Högni Jóhann Sigurjónsson, 18.1.2010 kl. 20:39]

Nei Heiðar við eigum að fjölga þeim og allir atkvæðabærir eiga að kjósa um öll mál, við erum nú ekki mörg og bara ekki nokkur vandi að framkvæma það og þó svo að það væru skattarnir, því að eftir nokkur ár verðum við orðin mjög meðvituð um hin ýmsu mál og verðum líka búin að taka af þingmönnum ýmis verkefni sem þeir hafa ekkert með að gera "semdæmi" þá eiga þingmenn ekkert að vera að vasast í því hvað fer mikið í einstaka vegi, það er alveg nóg að taka ákvörðun um það við fjárlög hvað Vegagerð ríkisins á að fá mikið og svo á hún sem slík að úthluta peningum í ákveðin verkefni og eins er með ferðamannaiðnaðinn það á bara einhverskonar ferðamálaráð að fá ákveðna upphæð og deila því svo eftir umsóknum, þingmenn eiga ekki að eiða tíma í að þrátta um hvort að skrímsli ehf. eða draugabær sf. eiga að fá peninga.

[Heiðar S. Heiðarsson (IP-tala skráð) 18.1.2010 kl. 20:53]

Þvílík vitleysa Högni. Við erum með 60% landsins samanþjappaðann á einu nesi.. Hvernig myndi það fara með t.d. vegakerfið? Myndu landsmenn fá eitthvað? Reykvíkingar bölva því að landsbyggðin sé að fá þetta og hitt í vegamálum og þetta sé ekkert nema kjördæmapot.. Það er andskotans kjaftæði og bendi ég á að Reykjavík er jafn stór að flatarmáli og París. Vegakerfið er það stórt og það mikilfengið að það er stærra en í flest öllum stórborgum heims. Allt þetta fyrir smáborg! Það þarf bara koma upp vegatollum til að minnka umferð!

Að kjósa um öll mál getum við lagt niður alþingi og það yrði skref aftur til frumbyggja. Ég er ekki að segja að þing sé hin fullkomna niðurstaða en hún er sú skásta sem við höfum.

Það er aldrei hægt að kjósa um mál eins og niðurskurð í heilbrigðismálum og skattamál. Þorri þjóðarinnar vill það ekki og SKILJANLEGA!!! En það þýðir ekki að það sé ekki nauðsynlegt..

Ég tók viðtal við aðstoðarskólastjóra í skóla einum. Hún sagði mér að það væri ekkert jafn hollt fyrir skóla eins og þessi niðurskurður ríkisstjórnarinnar. Hún hefur unnið í skólamálum í rúmlega 30 ár. Hún benti á allt þetta bruðl sem var til staðar. Það má þjappa saman allstaðar!

[Högni Jóhann Sigurjónsson, 19.1.2010 kl. 00:03]

Heiðar, nú skil ég bara hvorki upp né niður í því hvað þú ert að fara, ég var ekki að tala um vegaframkvæmdir, en það er rétt hjá þér að sem landsbyggðamaður finn ég fyrir hroka í Reykvíkingum.

Þetta er ótrúlegt bull úr munni vinstri manns Heiðar, þjóðin er fullfær um að kjósa um allar þær ákvarðanir sem fyrir þingið koma og það þarf samt þingmenn og þeir meiga verða mun fleiri en þeir eru í dag, það dreyfir valdi því fleiri sem þeir eru.

Það mátti stoppa bruðl víða en það má alls ekki skera niður í menntamálum, bara alls ekki, en svo má ræða um aðferðafræði við rekstur og stjórnun hinna ýmsu stofnanna.

Það má til dæmis kjósa um hvort eigi að byggja spítala á alltof lítilli og rándýrri lóð eða byggja hann á stað sem mun verða miðsvæðis á höfuðborgarsvæðinu næstu áratugi, en höfuðborgarsvæðið tegir sig nú mjög hratt suður um Reykjanes og upp í Borgarfjörð og ekki sjáum við sunnlendingar annað en að borgin komi bara tiltölulega hratt til okkar, eða selja lóðina fyrir morðfé.

Allt sem kemur fyrir alþingi getur þjóðin kosið um, reyndar er sumum sagt hvað þeir eigi að kjósa.

[Heiðar S. Heiðarsson (IP-tala skráð) 19.1.2010 kl. 01:49]

Ég tók vegamál sem dæmi.

Málið er að beint lýðræði virkar ekki. Hugmyndir Ástvalds Magnússonar hafa verið reyndar með vægast sagt slæmum afleiðingum. Eftir nokkrar kosningar munu æ færri nenna að fara kjósa og kjörsókn verður minni og minni. Við munum hætta getað státað okkur af bestu kjörsókn í heimi sem ég mun telja skref í ranga átt. Talandi nú ekki um kostnaðinn.

Ég er búinn að vera í skóla í tæp 16 ár og því mikill menntamaður. Á eftir nokkur ár í kennarafræðum svo ég mun vera í skólum sennilegast í 16 ár í viðbót ef ekki meir. Því erum við að tala um mína stétt og hluti sem tengjast mér og munu tengjast mér. Ég veit alveg hvað bruðlið hefur verið mikið. Skoðaðu nýbyggingar á skólum, fenginn er aldýrasti arkítekt sem völ er á og hann hannar skóla sem er gjörsamlega fáránlegur í sniðinu nema alveg ótrúlega flottur. mikið ónotað rými og svo framvegis. Hversu margar tölvur hafa verið hentar og keyptar nýjar. Þær voru endurnýjaðar þrisvar sinnum í grunnskóla mínum á 8 árum. Skoðum svo fög eins og handmennt og myndmennt sem ég tel vera gríðarlega mikilvæga í grunnskólum landsins. Aldrei klárað almennilega úr málningarbrúsunum og fínustu eikur keyptar og tálgaðar í smíðum.

Þessi aðstoðarskólarstjóri sem ég tók viðtal við hefur unnið eins og ég sagði í tugi ára í menntamálum og hún segist hafa aldrei verið jafn glöð að sjá vera tæmdar málningardollurnar og nytsamleg verkefni í smíðum þar sem kennarinn sá til að allt efni væri nýtt á réttan hátt. Hún er farin sjálf að kenna forfött fyrir engan pening enda telur hún það sjálfsagt.

Ég hef einnig séð niðurskurð í mínum háskóla og tel hann vera mjög góðan og jákvæðan. Rétt virðist vera farið með peningana.

Ég get sagt með Menntaskólann á akureyri þá er hann með sjóð sem hjálpar nemendum sem eru í fjárhagslegum örðuleikum. Sá sjóður hefur verið til í einhver 70 ár eða meira. Þetta sést hvergi annarstaðar. Sá skóli hefur þurft að skera gríðarlega niður og miðað við hvað ég heyri er það flest allt bara hollt fyrir skólan og nemendur.

Menntakerfið getur tekið á sig mikinn niðurskurð svo mikið er víst!

[Jón Óskarsson, 21.1.2010 kl. 21:50]

Mig langar að benda á það sem ég skrifaði um þjóðaratkvæðagreiðslur.  Málið er að að vissum skilyrðum uppfylltum (eins og þar koma fram) þá eru öll mál tæk í þjóðaratkvæðagreiðslu.  Fjárlög og þar með breytingar á skattalögum eru reyndar þannig mál að þau eiga ekki erindi í slíka atkvæðagreiðslu, enda mál sem ríkisstjórn á hverjum tíma með öflugum nefndum þingsins (fjárlaganefnd og efnahag- og skattnefnd) eiga að geta séð um að koma í gegn.  Hitt er annað mál að það ættu að vera lög gegn því að skattalögum og öðrum tekjuöflunarfrumvörpum sé komið í gegn á örfáum dögum eins og gerðist í desember s.l.

Hér má sjá grein mína um þjóðaratkvæðagreiðslur: http://jonoskarss.blog.is/blog/jonoskarss/entry/1001388