Siðferðilegt spursmál - vissulega.

Siðferðilega rétt væri að þeim aðilum sem bera ábyrgð á Icesave verði gert að borga brúsann.
Siðferðilega rangt er að skella skuldabagganum á þá sem eru málinu óviðkomandi.

Er hin siðferðilega hlið Icesave nú loksins farin að trufla þingmenn?

Siðferðileg álitaefni Icesave

Athugasemdir

[(IP-tala skráð) 19.8.2009 kl. 19:17]

Það getur ekki verið, siðblinda er ólæknandi sjúkdómur hjá þingmönnum.

[Agla (IP-tala skráð) 19.8.2009 kl. 19:28]

Mér er gjörsamlega ómögulegt að skilja hvað "hin siðferðilega hlið Icesave " kemur málinu við.

[Kolbrún Hilmars, 19.8.2009 kl. 19:30]

Niðurlag fréttarinnar ber fyrirsögnina EINANGRUN.  Sjálfri er mér slétt sama þótt ábyrgðarmenn Icesave sæti einangrun, bæði hér heima og ytra.  En það stendur svo sem ekki til að einangra þá, enda þurfa þeir að hafa frjálsan aðgang að aurunum sínum sem þeir geyma í bresku skattaparadísunum.

Hræðsluáróðrinum er aðeins beint að íslenskum almúga en ekki þeim ábyrgu; ef þið ekki borgið fyrir útrásarhyskið verður ykkur hent í einangrunarklefann. 

Síðan hvenær höfum við svo sem verið spurð um eitt eða neitt?  En það er alltaf hentugt að senda okkur reikninginn!

[Kolbrún Hilmars, 19.8.2009 kl. 19:45]

Takk fyrir innlitið, Agla.  Það er von þú spyrjir.  En þessi siðferðilega hlið var alltaf undirliggjandi varðandi Icesave og einhliða þó.   

Þar sem útrásarhyskið hafði íslenskt ríkisfang þrátt fyrir bresk (ofl) búsetuföng, þótti sjálfsagt að Nonnar og Gunnur með íslenska búsetu væru ábyrg.  Enda ekki par fínt að blanda breskum nágrönnum hyskisins í málið...