Ekki er þetta nú merkilegt plagg

Það má tæta í sundur, en ég læt mér nægja að nefna tvö atriði; 
"Hlutverk Evrópu er að vera hornsteinn mannréttinda í heiminum og ýta undir stöðugleika, sjálfbæra þróun, réttlæti og velmegun um allan heim."
Stórveldisdraumurinn hefur bólgnað örlítið í meðförum SF.

Einnig eru grundvallarhagsmunir Íslands tíundaðir í plagginu hvað varðar forræði þjóðarinnar á eigin málefnum og ég þarf ekki að kópíera þann lista hér - bendi bara höfundum tillögunnar á að ekkert getur skert þessa hagsmuni nema ESB aðildin sjálf.

En það er fallega hugsað og afar lýðræðislegt að við almenningur fáum að fylgjast með framvindu mála í opnu og gagnsæju ferli á meðan samningsmenn eyða skattpeningunum okkar.

ESB-tillagan birt

Athugasemdir

[Ragnhildur Kolka, 14.5.2009 kl. 21:52]

"Hlutverk Evrópu er að vera .................. um allan heim."

 Og svo reyna menn að halda því fram að aðeins útrásarvíkingarnir hafi tapað áttum. Öll þjóðin tapaði áttum og nú situr hún uppi með næturbloggandi utanríkisráðherra sem ætlar sér fyrst að innlima ESB og síðan allan heiminn.

Hefur einhver gáð að því hvort einhvers sé saknað af Kleppi? 

 Þetta plagg lítur út fyrir að hafa verið skrifað á næturbloggi utanríkisráðherrans og Guð má vita í hvað vídd hann staðsetur sig þar.  

[Kolbrún Hilmars, 14.5.2009 kl. 22:39]

Ragnhildur, þessi ESB tillaga utanríkisráðherrans bendir ekki til þess að hann hafi einlægan vilja til þess að sameinast apparatinu.  Væri svo hefði hann vandað sig betur - en hvað gera menn í sannfærðum ESB flokki ef þeir eru sjálfir á móti   

Þetta innskot með heimshlutverk Evrópu í tillögunni; ég man ekki til þess að hafa heyrt neina ESB sinna viðra þessa Hitlersdrauma fyrr - en vissulega er ástæða til þess að staldra við og hugsa tvisvar ef þetta er raunverulegt framtíðarmál á dagskrá ESB apparatsins.   En ef til vill var þetta líka úthugsað bragð hjá utanríkisráðherranum til þess að undirstrika ókosti ESB ??

[(IP-tala skráð) 14.5.2009 kl. 22:59]

Getur verið að það votti fyrir örlitlu háði hér   svei mér þá ekki leiðist mér það sko.

[Kolbrún Hilmars, 14.5.2009 kl. 23:55]

Gat nú verið að þú kæmir auga á það, Silla mín.   Þegar skagfirskri og austfirskri kaldhæðni er blandað saman í réttum hlutföllum er "sjálfur" laus   
En; hvernig er annað hægt en að vera hæðinn út af þessari ESB tillögu?  Sem er í eðli sínu hreint óborganlegt plagg. 

Ragnhildur bloggvinkona skrifar á sömu nótum og  Hjörleifur Guttormsson um næturbloggandi utanríkisráðherra á villigötum - eini munurinn á er að  Ragnhildur segir músaganginn vera í höfði ráðherrans en Hjörleifur hlakkar til þess að sjá ráðherrann sleppa músinni lausri á alþingi. 

Aldrei datt mér í hug að þessi fólskulega ESB tillaga gæti orðið slík skemmtun sem raun er á...

[(IP-tala skráð) 15.5.2009 kl. 00:08]

Allt er hey í harðindum Kolla mín þegar að skemmtannaiðnaðinum er komið, það er jú sko kreppa og þá þarf kannski ekki svo mikið til að gleðja sálartetrið hjá okkur

[Kolbrún Hilmars, 15.5.2009 kl. 00:29]

Ójá, litlu verður Vöggur feginn 

En svona að lokinni þessari kvöldskemmtun, þá þarf allt gott fólk að sameinast gegn þessu ESB fári og kveða það í kútinn í eitt skipti fyrir öll!

[Haraldur Hansson, 15.5.2009 kl. 13:22]

"Að tryggja forræði þjóðarinnar yfir fiskveiðiauðlindinni ... ... eins og hægt er"

Forræðið þarf sem sagt ekki að vera ótvírætt og krafan um það er greinilega ekki ófrávíkjanleg í augum Samfylkingarinnar. Tek heils huga undir síðustu athugasemd þína. Áfram ísland!